ភ្លៀងលាយ ខ្យល់កន្ត្រាក់ បំផ្លាញផ្ទះ ប្រជាពលរដ្ឋ នៅខេត្តតាកែវ អស់ជាង ២២០ខ្នង ស្លាប់ ១នាក់ និងរងរបួស ០៣នាក់

Details

Category: Social Security News

តាកែវ៖ នៅថ្ងៃទី២១  ខែឧសភា ឆ្នាំ២០១៥ វេលាម៉ោង ១៥ និង៣០នាទី មានភ្លៀងធ្លាក់ លាយឡំនឹង ខ្យល់កន្ទ្រាក់ នៅឃុំកណ្តឹង, ក្រាំងធ្នង់, ពារាម, ត្រពាំងសាប, ពត់សរ និងឃុំចំប៉ី ស្រុកបាទី និងនៅឃុំខ្វាវ ស្រុកសំរោង បណ្តាលឲ្យរលំ ខូចខាតផ្ទះ ប្រជាពលរដ្ឋចំនួន ២២០ខ្នង (ធ្ងន់ធ្ងរ ២៥ខ្នង) ។

 ក្នុងនោះ ស្រុកបាទី ២១១ខ្នង (ធ្ងន់ធ្ងរ ១៦ខ្នង) រលំបង្គោលភ្លើង ចំនួន១៩ដើម និងបណ្តាលឲ្យ រងរបួសមនុស្សចំនួន ០៣នាក់ (រន្ទះបាញ់ ០២នាក់ បាក់មែកឈើ សង្កត់ពីលើ ០១នាក់ ) និងនៅឃុំខ្វាវ ស្រុកសំរោង ចំនួន ០៩ខ្នង (ធ្ងន់ធ្ងរ) បណ្តាលឲ្យ មនុស្សស្លាប់ ០១នាក់ ឈ្មោះ ចាន់ ស៊ីណា ភេទប្រុស អាយុ ២៩ឆ្នាំ មុខរបរជាងផ្ទះ មានទីលំនៅ ភូមិកាប់នឹម ឃុំខ្វាវ ស្រុកសំរោង ខេត្តតាកែវ ។

បច្ចុប្បន្ន កម្លាំងនគរបាលយើង កំពុងចុះទៅ កន្លែងកើតហេតុ ដើម្បីជួយសង្រ្គោះ ដល់ប្រជាពលរដ្ឋ ដែលរងគ្រោះដោយសារ ខ្យល់កន្ទ្រាក់ ៕

ដកស្រង់ពី៖ ដើមអម្ពិល