កណ្តាល៖ កម្លាំងជលផល ចតុមុខ និងខណ្ឌរដ្ឋបាល ជលផល ខេត្តកណ្តាល រួមសហការ ជាមួយអាជ្ញាធរ កម្លាំងសមត្ថកិច្ច បានចុះបង្រ្កាប បទល្មើសក្នុង ដែននេសាទ នៅក្នុង ស្រុកស្អាង និង ស្រុកល្វាឯម ខេត្តកណ្តាល ដោយបាន រឹបអូស និងដុតបំផ្លាញ ឧបករណ៍នេសាទ ខុសច្បាប់ ជាច្រើន ព្រមទាំងដោះលែង កូនត្រីចំនួន ១តោន ។
បើយោងតាម មន្រ្តីជលផល បានឲ្យដឹងថា ប្រតិបត្តិការបង្រ្កាប បទល្មើស នេសាទនាព្រឹកថ្ងៃទី៣១ ខែសីហា ឆ្នាំ២០ ១៥នេះ ដកហូតបាន លូស្បៃមុង ១១៧មាត់, របាំងស្បៃមុង ១០.០០០ម៉ែត្រ និង បង្គោលចម្រឹងចំនួន ២.០៨០ ដើម។ មន្រ្តីជលផល បានបន្តថា ក្រោយពីរឹបអូសហើយនោះ ឧបករណ៍នេសាទល្មើសច្បាប់ទាំងអស់ ត្រូវបានដុតកម្ទេច ចោលភ្លាមៗផងដែរ ៕
ដកស្រង់ពី៖ដើមអម្ពិល