គេចម៉ូតូជិះបញ្ច្រាស់ រអិលធ្លាក់ប្រឡាយទឹក

Details

Category: Social Security News

សៀមរាប ៖ មានករណីគ្រឿង ថ្នាក់ចរាចរណ៍ ដ៏កម្រមួយ ដែលកើតឡើង ដោយសារ រថយន្តមួយគ្រឿង បាន រអិលធ្លាក់ចូល ប្រឡាយទឹក ព្រោះតែត្រូវម៉ូតូ មួយគ្រឿង បានបុក ដែលហេតុការណ៍នេះ បានកើតឡើងកាល ពីថ្ងៃទី៤ ខែធ្នូ ឆ្នាំ២០១៦ នៅលើផ្លូវជាតិលេខ៦៨ ត្រង់គីឡូម៉ែត្រលេខ ៨-៩ ស្ថិតក្នុងភូមិតាមាឃ ឃុំចន្លាស់ដៃ ស្រុកក្រឡាញ់ ខេត្តសៀមរាប ។

យោងតាមនគរបាល បានឲ្យដឹង មុខពេលកើតហេតុ មានម៉ូតូម៉ាក WAY ពណ៌ក្រហាមលាយខ្មៅ បើកបរដោយឈ្មោះ កែវ ដោយបើកមិន ប្រកាន់ស្តាំង ហើយរេចង្កូត ទៅបុករថយន្ត ១៥កៅអី ម៉ាក SANG YONG ITANA ពាក់ស្លាកលេខ ភ្នំពេញ 2V-3783 ដឹកភ្ញៀវទេសចរណ៍ ជនជាតិបារាំង ចំនួន ៦នាក់ បណ្ដាលឲ្យរថយន្ត ដឹកភ្ញៀវទេសចរណ៍ ធ្លាក់ចូលប្រឡាញទឹក និងបណ្ដាលឲ្យ ជនជាតិបារាំងចំនួន ៣នាក់ រងរបួសធ្ងន់ និងស្រាល រួមទាំងអ្នកបើកបរម៉ូតូ ម្នាក់រងរបួសធ្ងន់ ក្រោយពេលកើតហេតុម្ចាស់ រថយន្តបាន រត់គេចខ្លួនបាត់ ។

លោកវរសេនីយ៍ត្រី ជី បេងជន អធិការនគរបាលស្តីទី ស្រុកក្រឡាញ់ បានឲ្យដឹងថា រថយន្ត និងម៉ូតូបើក បញ្ច្រាស់ទិសគ្នា ពីជើងទៅត្បូង តាមការមើល ទិដ្ឋភាពជាក់ស្តែង បណ្ដាលមកពី អ្នកបើកបរ ម៉ូតូមិនប្រកាន់ស្តាំ រ៉េចង្កូត ចូលខាងស្តាំរថយន្ត ទើបបណ្ដាលឲ្យ មានករណីគ្រោះថ្នាក់ ចរាចរណ៍នេះកើតឡើង ។ បច្ចុប្បន្នអ្នក បើកបរម៉ូតូ និងជនជាតិបារាំង ត្រូវបានដឹកយក ទៅជួយសង្គ្រោះ នៅមន្ទីរពេទ្យ ភ្លាមៗផងដែរ ។

រីឯម៉ូតូ និងរថយន្ត ត្រូវបានសមត្ថកិច្ច នគរបាលស្រុក យកមករក្សាទុក នៅអធិការដ្ឋាននគរបាលស្រុក ដើម្បីកសាងសំណុំរឿង ទៅតាមនីតិវិធីច្បាប់ ៕

ដកស្រង់ពី៖ដើមអម្ពិល