ប្រធាន​ក្លឹប Barcelona ជឿជាក់ Messi អាច​លេង​ដល់​អាយុ​៤៥​ឆ្នាំ

Details

Category: Sport News

លោក Josep Maria Bartomeuប្រធានក្លឹបរបស់ Barcelona និយាយថា ខ្សែប្រយុទ្ធ Lionel Messi អាចលេងបាល់ដល់អាយុ៤៥ឆ្នាំ។

Messi រកបានគ្រាប់ទី៦០០ក្នុងក្លឹបអាជីបក្រោយទាត់បញ្ចូលលើ Liverpool ជួយ Barca ឈ្នះ ៣-០ កាលពីជើងទីមួយវគ្គពាក់កណ្ដាលផ្ដាច់ព្រ័ត្រ Champions League ។ កីឡាករវ័យ៣១ឆ្នាំដែលធ្លាប់ឈ្នះពាន Ballon d'Or ៥ដង បានបង្ហាញខ្លួនដំបូងក្នុងក្រុមធំឲ្យ Barcelona នៅឆ្នាំ២០០៤ ហើយកុងត្រារបស់គេនៅសល់រហូតដល់ឆ្នាំ២០២១. សម្រាប់គំនិតរបស់លោក Bartomeu យល់ថា កីឡាករសញ្ជាតិអាហ្សង់ទីនរូបនេះអាចបន្តអាជីពដល់បានជាង១០ឆ្នាំទៀត។

ថ្លែងប្រាប់ Daily Mail លោកនិយាយថា៖ "ថ្ងៃដែល Messi ចូលនិវត្តន៍ ខ្ញុំប្រហែលមិនមែនជាប្រធានក្លឹបទៀតទេ។ ខ្ញុំគិតថា គេនៅលេងបានវែងឆ្ងាយទៀត។ មើលតែកម្លាំងគេទាត់ Free-Kick ពេលទាត់ចូល Liverpool ទៅ។ ខ្ញុំសង្ឃឹមថា Leo អាចលេងដល់អាយុ៤៥ឆ្នាំ"។Messi ឈរលើគេក្នុងប្រវត្តិសាស្ត្ររបស់ក្លឹប Barcelona ជាអ្នករកគ្រាប់បាល់បានច្រើនជាងគេ៦០០គ្រាប់។ សម្រាប់ថ្ងៃស្អែកគេនឹងដឹកនាំក្រុមតទល់នឹង Liverpool ក្នុងជើងទីពីរ Champions League៕

ដកស្រង់ពី៖ Sabay