MANNY PACQUIAO លែង​ខ្វាយខ្វល់​នឹង​បញ្ហា​នៅ​លើ​សង្វៀន​អ្នក​ប្រដាល់

Details

Category: Sport News

អ្នកប្រដាល់ Manny Pacquiao បានឲ្យដឹងកាលពីថ្ងៃម្សិលមិញនេះថា វិស័យប្រដាល់ លែងមានក្នុងចិត្តរបស់លោកទៀតហើយ នាពេលបច្ចុប្បន្ននេះ។ ម្ចាស់ខ្សែក្រវាត់ទម្ងន់ស្រាល ពិភពលោក៨ស្ថាប័ន វ័យ៣៦ឆ្នាំរូបនេះ កំពុងតែសំរាកប្រដាល់ ដើម្បីព្យាបាលរបួសស្មារបស់លោក ដែលបានទទួលរងអំឡុងពេល ជួបជាមួយកីឡាករ Floyd Mayweather កាលពីខៃឧសភាកន្លងទៅ នៅក្នុងទីក្រុងឡាសវេហ្គាស់ សហរដ្ឋអាមេរិក។

លោកបាននិយាយថា រូលលោកនឹងមិនឡើង សង្វៀនទៀតទេឆ្នាំនេះ រង់ចាំដល់របួសជាសះស្បើយ មុនឆ្នាំក្រោយ ម្យ៉ាងបច្ចុប្បន្ន លោកគិតគូរខ្លាំងពីការងារ រាជការរបស់លោក។ កំពូលអ្នកប្រដាល់ហ្វីលីពីន មិនចេះរាថយម្នាក់នេះ ក៏បានបង្ហាញពីអារម្មណ៍ ចង់ប្រកួតសងសឹកនឹងកីឡាករ Floyd Mayweather ដែលទើបប្រកាសចូលនិវត្តន៍ផងដែរ បន្ទាប់ពីមានព័ត៌មានចុះផ្សាយថា កីឡាករប្រដាល់អាមេរិកម្នាក់នេះ បានប្រើប្រាស់សារធាតុហាមឃាត់ មុនការប្រកួតលោក កាលពីខែឧសភាកន្លងទៅ។

សូមបញ្ជាក់ថា កីឡាករ Manny Pacquiao បរាជ័យក្រោមថ្វីដៃ Floyd Mayweather កន្លងទៅកាលពីខែឧសភា ហើយរូបលោកមិនបានតវ៉ា នឹងការសម្រេចចិត្តរបស់ចៅក្រម កាត់ក្តីឡើយ និងគោរពការសម្រេចចិត្តរបស់ចៅក្រម បើទោះជា មនុស្សនៅលើពិភពលោក ចាត់ទុកថាជាលទ្ធផលដ៏អយុត្តិធម៌ យ៉ាងណាក្តី៕