Ramos សម្រេច​ចិត្ត​មិន​បន្ត​នៅ​ Sevilla នៅ​រដូវកាល​ក្រោយ​នោះ​ទេ

Details

Category: Sport News

ខ្សែការពារ Sergio Ramos បានសម្រេចចិត្តមិននៅបន្តលេងឲ្យក្លឹប Sevilla នៅរដូវកាលក្រោយនោះទេ។ នេះបើយោងតាមការចុះផ្សាយរបស់ក្លឹបនេះផ្ទាល់។

Ramos នឹងធ្វើសន្និសីទកាសែតលាមិត្តរួមក្រុមរបស់ខ្លួននៅថ្ងៃស្អែកនេះ ដែលមានការចូលរួមដោយ លោក Jose Maria ប្រធានក្លឹប Sevilla ផងដែរ។ ខាងថ្នាក់ដឹកនាំក្លឹបបានធ្វើការសម្ដែងការដឹងគុណ និងថ្លែងអំណរគុណដល់ Ramos ដែលបានខិតខំជួយក្លឹបនេះកន្លងមក ដោយនេះជាលើកទី២ហើយដែលកីឡាករនេះបានចាកចេញពីក្លឹបនេះ។

នៅក្នុងរដូវកាលនេះ Ramos បានចូលលេង ៣៧ប្រកួត និងស៊ុតចូល៨គ្រាប់ឲ្យ Sevilla។ កីឡាករនេះជាកីឡាករដោយបណ្ដុះបណ្ដាលឲ្យ Sevilla តាំងពីយុវវ័យមក។ កីឡាករធ្លាប់លេងឲ្យក្រុមឈុតធំ Sevilla ពីឆ្នាំ២០០៤-២០០៥ ដោយចូលលេងបាន ៥០ប្រកួត និងស៊ុតចូល៣គ្រាប់។

ក្រោយចាកចេញពីក្លឹបនេះ កីឡាករនេះត្រូវបានសារព័ត៌មានជាច្រើនល្ហិចល្ហៀងថានឹងអាចទៅលេងនៅ MLS នៅរដូវកាលក្រោយ៕