​រក​ឃើញ​ជើង​ឯក​​​ការ​ប្រកួត​វាយ​កូន​​បាល់​អន្តរជាតិ ​U18 ​សប្ដាហ៍​ទី​១

Details

Category: Sport News

ការប្រកួត កីឡាវាយកូនបាល់ អន្តរជាតិ កម្រិតយុវជន ក្រោមអាយុ១៨ ឆ្នាំ ដែលមាន ១៩ប្រទេស ចូលរួមបាន រកឃើញ ជើងខ្លាំង សម្រាប់សប្ដាហ៍ ទី១ហើយ កាលពីព្រឹកមិញ នេះនៅទីលាន CCC។

វាយគូនារី លេខ១ បានទៅកីឡាការិនី មកពីជប៉ុន Ando Yuki និងដៃគូ Saigo Rina ដោយយកឈ្នះ កីឡាការិនី មកពីជប៉ុន IT O Shiori និង Oyama Saki ២-០(៦-១)(៦-១)។ វាយគូបុរសលេខ ១បានទៅកីឡាករ Chin Christian Didier និងIsai Chang Lin ដោយយកឈ្នះដៃគូ Garcia Dalisay D (ហ្វីលីពីន) និង Mooraj Ali (ប៉ាគីស្ថាន)ក្នុងលទ្ធផល ២-០(៦-២)(៦-៤)។ វាយទោលនារីជើងឯក បានទៅកីឡាការិនី Ando Yuki ដោយយកឈ្នះ ដៃគូជនជាតិ ជប៉ុនដូចគ្នា Saigo Rina ២-០(៦-៣)(៦-១)។ វាយទោលបុរស ជើងឯក បានទៅកីឡាករ មកពីកូរ៉េខាងត្បូង Kim Jaewoo ដោយឈ្នះដៃ គូមកឆៃនីសតៃប៉ិ Tsai Chang-Lin ២-០(៦-២)(៦-១)។ សូមបញ្ជាក់ថា ការប្រកួត ព្រឹត្តិការណ៍ អន្តរជាតិ ខាងលើត្រូវ បានបែងចែក ជាពីរសប្ដាហ៍ ហើយសប្ដាហ៍ ទី២ បានចាប់ផ្ដើម ប្រកួតជម្រុះកាលពី ព្រឹកមិញនេះ ផងដែរ៕

ដកស្រង់ពី៖ Sabay