ក្រសួងទេសចរណ៍កំពុងសម្លឹងមើលលើសពីរបៀបរបបចាស់ ដើម្បីទាក់ទាញភ្ញៀវទេសចរណ៍ពិភពលោកឱ្យកាន់តែច្រើន។
កាលពីសប្តាហ៍មុន លោក ជូប រតនា ប្រធាននាយកដ្ឋានផែនការអភិវឌ្ឍន៍ទេសចរណ៍បានជួបពិភាក្សាជាមួយតំណាងក្រុមហ៊ុន Royal Caribbean Group លោក Joni Gevriye ជុំវិញការបន្ថែមខេត្តព្រះសីហនុទៅក្នុងផ្លូវធ្វើដំណើររបស់នាវាទេសចរណ៍។
ក្នុងកិច្ចពិភាក្សានោះ ភាគីទាំងពីរបានពិភាក្សាអំពីលទ្ធភាពនៃកញ្ចប់ដំណើរកម្សាន្តតាមនាវារក្សាសម្រាប់វិស័យទេសចរណ៍ដែលរីកចម្រើនរបស់ព្រះរាជាណាចក្រកម្ពុជា។ ចូលចតរបស់នាវានៅខេត្តព្រះសីហនុបន្ថែមទៀត នឹងផ្តល់ការជំរុញសេដ្ឋកិច្ចដ៏ប្រសើរ។
បន្ទាប់ពីកិច្ចពិភាក្សា លោក រតនា បានចេញសេចក្តីជូនដំណឹងមួយនៅលើបណ្តាញសង្គមថា “ក្រុមហ៊ុននឹងត្រូវធ្វើការសិក្សាលម្អិត ហើយបន្ទាប់មកបញ្ជូនរបាយការណ៍ទៅកាន់ការិយាល័យកណ្តាលរបស់ខ្លួន មុនពេលបញ្ចូលព្រះរាជាណាចក្រទៅក្នុងកញ្ចប់ទេសចរណ៍របស់ខ្លួន”។
តំណាងក្រុមហ៊ុននាវាចរណ៍ បានពិនិត្យលម្អិតនៃតម្រូវការនានា ដើម្បីឱ្យសំណើនេះចេញជាផ្លែផ្កា។ កង្វល់ចម្បងក្នុងចំណោមកង្វល់នានា គឺទិដ្ឋភាពបច្ចេកទេសនៃចំណតក្នុងផែ។ ក្នុងចំណោមអាទិភាពនោះ គឺការវិភាគអំពីទម្រង់បែបបទអន្តោប្រវេសន៍ និងគយដែលត្រូវអនុវត្តតាម។ នៅពេលបញ្ចប់ការសិក្សា ក្រុមហ៊ុននឹងពិគ្រោះជាមួយភ្នាក់ងារទេសចរណ៍ ដើម្បីរៀបចំកញ្ចប់ដំណើរទេសចរណ៍សម្រាប់គោលដៅតភ្ជាប់នានា។
“យើងសង្ឃឹមថាទំនាក់ទំនងរបស់យើងជាមួយក្រុមហ៊ុន នឹងទទួលបានភ្ញៀវទេសចរកាន់តែច្រើនបន្ថែមទៀត មកពីជុំវិញពិភពលោកមកទស្សនាខេត្តព្រះសីហនុ ហើយប្រែក្លាយខេត្តព្រះសីហនុ ទៅជា “តារាកំពុងរះ” នៅក្នុងតំបន់។ រដ្ឋាភិបាលកំពុងខិតខំអភិវឌ្ឍ និងប្រែក្លាយខេត្តនេះទៅជាតំបន់សេដ្ឋកិច្ចពិសេសពហុបំណងគំរូ»។
សមាជិកនៃវិស័យទេសចរណ៍របស់ព្រះរាជាណាចក្រកម្ពុជាបានស្វាគមន៍ចំពោះលទ្ធភាពនេះ។ លោក ធួន ស៊ីណាន ប្រធានសមាគមទេសចរណ៍អាស៊ីប៉ាស៊ីហ្វិកកម្ពុជា បាននិយាយថា ការចូលរបស់តួអង្គបម្រើសេវាកម្មនាវាទេសចរណ៍ល្បីៗជាសាកលមកខេត្តព្រះសីហនុ អាចជំរុញសក្តានុពលទេសចរណ៍របស់កម្ពុជាយ៉ាងខ្លាំង តាមរយៈការបង្កើនការផ្សព្វផ្សាយរបស់ប្រទេសជាគោលដៅទេសចរណ៍។
ទោះបីជាយ៉ាងណាក៏ដោយ ដូចដែលលោក Nick Ray ដែលជាអ្នករួមចំណែកដល់ Lonely Planet បានចង្អុលបង្ហាញថា ហេដ្ឋារចនាសម្ព័ន្ធនាវាចរណ៍មានភាពទន់ខ្សោយខ្លាំងនៅពេលនេះ ហើយកប៉ាល់ដូចជា MS Westerdam ត្រូវចូលចតនៅកំពង់ផែកុងតឺន័រធំ។ លោកបានបន្ថែមថា៖ «ប្រសិនបើអ្នកមើលទៅលើគោលដៅទេសចរណ៍ឈានមុខគេ ពួកគេមានចំណតនាវាកម្សាន្តត្រឹមត្រូវ ដូច្នេះកម្ពុជាត្រូវមើលបញ្ហានេះជាអាទិភាព»។
លោក Craig Dodge នាយកផ្នែកលក់ និងទីផ្សារនៃ Phare Circus បាននិយាយថា ខេត្តព្រះសីហនុមានសក្តានុពលក្លាយជាគោលដៅទេសចរណ៍ដ៏សំខាន់មួយនៅក្នុងតំបន់អាស៊ីអាគ្នេយ៍។ លោកបានបន្ថែមថា “ការស្វាគមន៍កប៉ាល់ដឹកអ្នកដំណើរកាន់តែច្រើននឹងនាំមកនូវភ្ញៀវទេសចរដែលចំណាយខ្ពស់មកកាន់ប្រទេសកម្ពុជា ដែលជាការជំរុញសេដ្ឋកិច្ចរបស់យើង និងបង្ហាញពីវប្បធម៌ដ៏អស្ចារ្យរបស់យើង”។
អ្នកស្រី Catherine Germier-Hamel នាយិកាប្រតិបត្តិនៃ Destination Mekong/Millennium Destinations បាននិយាយថា “នៅពេលនិយាយអំពីនិរន្តរភាព ឧស្សាហ៍កម្មនាវាចរណ៍តែងតែគេមើលរំលង ហើយឱកាសជាច្រើនក្នុងការរួមចំណែកដល់ការអភិវឌ្ឍន៍ និងការលើកកម្ពស់តំបន់មិនត្រូវបានប្រើប្រាស់”។
លោក Steve Lidgey នាយកគ្រប់គ្រងទូទៅ Travel Asia a la carte បានលើកឡើងថា សម្រាប់កម្ពុជា ភ្ញៀវទេសចរកាន់តែច្រើន កាន់តែល្អ។ ដំណើរកំសាន្តតាមផ្លូវគោកត្រូវតែមានភាពទាក់ទាញ និងប្រណិត ដើម្បីឱ្យសេដ្ឋកិច្ចទេសចរណ៍ទទួលបានអត្ថប្រយោជន៍ច្រើនតាមតែអាចធ្វើទៅបាន ហើយអ្នកដំណើរតាមនាវាទទួលបានអារម្មណ៍ពិតសម្រាប់គោលដៅ។
ចំណតនាវាទេសចរណ៍គឺជាអាទិភាពខ្ពស់ ឬចាំបាច់សម្រាប់រាជរដ្ឋាភិបាលកម្ពុជា ដើម្បីទាក់ទាញនាវាទេសចរណ៍មកកាន់ប្រទេសកាន់តែច្រើន។ ជាមួយនឹងចំណតនាវាទេសចរណ៍អន្តរជាតិដែលមានគុណភាពខ្ពស់ អ្វីៗអាចធ្វើទៅបាន ហើយសក្តានុពល នឹងកាន់តែធំធេង។
ដកស្រង់ពី៖ ខ្មែរថាមស៍