ក្រុមអ្នកតវ៉ា បានវាយប្រហារស្ថានីយទូរទស្សន៍ប្រទេស Cyprus លើវិធានការណ៍ និងវ៉ាក់សាំង COVID-19

សេចក្ដីលម្អិត

ជំពូក៖ ព័ត៌មានអន្តរជាតិ

 ក្រុមអ្នកតវ៉ាប្រឆាំងនឹងវិធានការការពារវីរុស និងវ៉ាក់សាំងកូរ៉ូណា បានវាយប្រហារស្ថានីយ៍ទូរទស្សន៍ មួយកន្លែង និងបានដុតរថយន្តជាច្រើនគ្រឿង នៅខាងក្រៅអាគារក្នុងរដ្ឋធានី Nicosia នៃប្រទេស Cypriot កាលពីល្ងាចថ្ងៃអាទិត្យ ។

ប៉ូលីស បានបញ្ជាក់ពីឧប្បត្តិហេតុនៅទូរទស្សន៍ Sigma ហើយបាននិយាយថា ក្រុមអ្នកតវ៉ាប្រហែល ២.៥០០ នាក់ បានចូលទៅស្ថានីយ បន្ទាប់ពីការតវ៉ាដ៏ធំមួយនៅខាងក្រៅវិមានប្រធានាធិបតី ប្រឆាំងនឹងការឆ្លងកាត់ Covid ប្រកបដោយសុវត្តិកាព និងការចាក់វ៉ាក់សាំងដោយបង្ខំ។

អ្នកយកព័ត៌មាន AFP ម្នាក់ បានឃើញមនុស្សរាប់ពាន់នាក់នៅតំបន់ ក្បែរស្ថានីយទូរទស្សន៍ Sigma ក្នុងរដ្ឋធានី Nicosia ដោយកាន់ប័ណ្ណប្រកាស ប្រឆាំងនឹង “ការឆ្លងកាត់ Covid ប្រកបដោយសុវត្តិកាព” ដែលបានចូលជាធរមានកាលពីដើមសប្តាហ៍នេះ នៅសាធារណរដ្ឋ Cyprus -ជាប្រទេសមួយនៅតំបន់មជ្ឍឹមបូពា៍។

នៅពេលព្រលប់ មនុស្សប្រមាណ ៥.០០០ នាក់ បានធ្វើបាតុកម្មនៅខាងក្រៅវិមានប្រធានា-ធិបតី ហើយនៅចុងបញ្ចប់នៃការតវ៉ា ប្រហែលពាក់កណ្តាលនៃអ្នកតវ៉ា បានទៅកាន់អគារស្ថានីយទូរទស្សន៍ Sigma ។

ស្ថានីយទូរទស្សន៍ Sigma ត្រូវបានគេមើលឃើញថា មានជំហរតឹងរឹងប្រឆាំងនឹងក្រុមអ្នកធ្វើយុទ្ធនាការប្រឆាំងនឹងការចាក់វ៉ាក់សាំង ហើយធ្លាប់ត្រូវបានគេកំណត់គោលដៅក្នុងការតវ៉ាលើកមុន ប្រឆាំងនឹងវិធានការប្រឆាំងនឹងមេរោគនេះ។

សាធារណរដ្ឋ Cyprus នៅសប្តាហ៍នេះ បានណែនាំ “ការឆ្លងកាត់ Covid ប្រកបដោយសុវត្តិកាព” ដែលអនុញ្ញាតឱ្យតែអ្នក ដែលបានចាក់វ៉ាក់សាំង Covid រួច អាចចូលផ្សារទំនើប ភោជនីយដ្ឋាន និងអាជីវកម្មផ្សេងទៀត។