អាមេរិក និងអឺរ៉ុបថ្កោលទោសការបាញ់មីស៊ីលនាវាមុជទឹករបស់កូរ៉េខាងជើងនៅអង្គការសហប្រជាជាតិ

សេចក្ដីលម្អិត

ជំពូក៖ ព័ត៌មានអន្តរជាតិ

 សហរដ្ឋអាមេរិក អង់គ្លេស និងបារាំង បានបញ្ជាក់កាលពីថ្ងៃពុធ-ម្សិលមិញ ចំពោះអង្គការសហប្រជាជាតិថា ប្រទេសកូរ៉េខាងជើង បានធ្វើឱ្យមានការរីកចម្រើននៅក្នុងកម្មវិធីអាវុធរបស់ខ្លួនបន្ទាប់ពីការបាញ់បង្ហោះគ្រាប់មីស៊ីលផ្លោងចេញពីនាវាមុជទឹក។

ថ្លែងទៅកាន់ប្រព័ន្ធផ្សព្វផ្សាយមួយហើយមួយទៀត មុនកិច្ចប្រជុំក្រុមប្រឹក្សាសន្តិសុខបិទទ្វារដែលត្រូវបានកោះហៅជាបន្ទាន់ដោយទីក្រុងវ៉ាស៊ីនតោន និងទីក្រុងឡុងដ៍ ឯកអគ្គរដ្ឋទូតនៃបណ្តារដ្ឋភាគខាងលិចទាំងអស់ បានថ្កោលទោសចំពោះការបាញ់បង្ហោះនេះ មួយថ្ងៃមុន “ការបង្កហេតុ” ថ្មីមួយទៀត។

ដោយមិននិយាយពីការដាក់ទណ្ឌកម្មថ្មី ឬសកម្មភាពរួមគ្នាពីក្រុមប្រឹក្សា ពួកគេ បាននិយាយថា ពួកគេ នឹងអំពាវនាវឱ្យមានការដាក់ទណ្ឌកម្មអន្តរជាតិ ដែលមានស្រាប់ ដើម្បីឱ្យកាន់តែមានប្រសិទ្ធភាពជាងមុន។

នៅចុងបញ្ចប់នៃកិច្ចប្រជុំ ទាំងចិន និងរុស្ស៊ី ដែលជាសមាជិកអចិន្រ្តៃយ៍ពីរផ្សេងទៀតនៃក្រុមប្រឹក្សាសន្តិសុខ មិនបាននិយាយអ្វីទាំងអស់។ យោងតាមអ្នកការទូត ដែលនិយាយក្នុងលក្ខខណ្ឌអនាមិក គ្មានសមាជិកក្រុមប្រឹក្សាសន្តិសុខណាម្នាក់ បានស្នើសេចក្តីថ្លែងការណ៍រួមពីស្ថាប័ននេះទេ។

ក្នុងអំឡុងកិច្ចប្រជុំបិទទ្វារបន្ទាន់ចុងក្រោយ ដែលបានធ្វើឡើងកាលពីថ្ងៃទី ១ ខែតុលា បន្ទាប់ពីការសាកល្បងមីស៊ីលរបស់កូរ៉េខាងជើង បារាំង បានស្នើឱ្យអនុម័តឯកសាររួមមួយ ប៉ុន្តែទីក្រុងប៉េកាំងនិងម៉ូស្គូ បានបដិសេធ។

ឯកអគ្គរដ្ឋទូតអៀឡង់ ដែលរួមជាមួយប្រទេស Estonia បានថ្កោលទោសយ៉ាងម៉ឺងម៉ាត់ចំពោះទង្វើបង្កហេតុរបស់កូរ៉េខាងជើងនេះ ដែលជាការបំពានយ៉ាងច្បាស់នូវដំណោះស្រាយរបស់ក្រុមប្រឹក្សាសន្តិសុខអង្គការសហប្រជាជាតិ។

នៅឆ្នាំ ២០១៧ ប្រធានាធិបតីអាមេរិកលោក Donald Trump បានបញ្ចុះបញ្ចូលក្រុមប្រឹក្សាសន្តិសុខ ឱ្យអនុម័តជាឯកច្ឆ័ន្ទនូវទណ្ឌកម្មសេដ្ឋកិច្ចតឹងរ៉ឹងចំនួន ៣ ប្រឆាំងកូរ៉េខាងជើងដោយវាយប្រហារការនាំចូលប្រេងចូលក្នុងប្រទេសនេះ ក៏ដូចជាការនាំចេញធ្យូងថ្ម ដែកថែប ត្រីនិងវាយនភ័ណ្ឌ នេះបើតាមការផ្សាយរបស់ CNA/AFP នៅថ្ងៃព្រហ.នេះ។