ប្រធានក្រុមហ៊ុន Moderna និយាយថា ក្រុមហ៊ុន អាចផលិតដូសវ៉ាក់សាំងជម្រុញ Omicron រួចរាល់ក្នុងខែមីនា

សេចក្ដីលម្អិត

ជំពូក៖ ព័ត៌មានអន្តរជាតិ

 ប្រធានក្រុមហ៊ុនវ៉ាក់សាំង Moderna បាននិយាយកាលពីថ្ងៃពុធ (1 ធ្នូ) ថា Moderna អាចមានដូសជម្រុញជំងឺកូវីដ-19 សំដៅទៅលើវ៉ារ្យ៉ង់ Omicron ដែលបានធ្វើតេស្ត និងត្រៀមខ្លួនរួចរាល់ ដើម្បីដាក់ពាក្យសុំការអនុញ្ញាតពីសហរដ្ឋអាមេរិក ឱ្យបានឆាប់នៅខែមីនា។

ប្រធានក្រុមហ៊ុន Moderna លោក Stephen Hoge បាននិយាយប្រាប់ Reuters ថា លោក ជឿថា ដូសជំរុញដែលផ្ទុកហ្សែន សំដៅលើការវិវត្តន៍ជាពិសេសនៅក្នុងវ៉ារ្យ៉ង់ Omicron ដែលទើប នឹងរកឃើញ អាចជាមធ្យោបាយលឿនបំផុត ដើម្បីដោះស្រាយការថយចុះដែលរំពឹងទុក នៃ ប្រសិទ្ធភាពវ៉ាក់សាំង ដែលអាចបង្កឡើង។

ក្រុមហ៊ុន ក៏កំពុងធ្វើការលើវ៉ាក់សាំងពហុគុណតម្លៃ ដែលនឹងរួមបញ្ចូលរហូតដល់ 4 ប្រភេទ ផ្សេងគ្នានៃមេរោគឆ្លង រួមទាំង Omicron ផងដែរ។ មជ្ឈមណ្ឌលគ្រប់គ្រង និងការពារជំងឺរបស់សហរដ្ឋអាមេរិក បាននិយាយកាលពីថ្ងៃពុធថា សហរដ្ឋអាមេរិក បានកំណត់អត្តសញ្ញាណករណីឆ្លងដំបូងនៃជំងឺ COVID-19 ដែលបង្កឡើងដោយវ៉ារ្យ៉ង់ Omicron នៅក្នុងរដ្ឋកាលីហ្វ័រញ៉ា។

Omicron ដែលត្រូវបានគេដាក់ឈ្មោះថា "វ៉ារ្យ៉ង់នៃក្តីបារម្ភ" ដោយអង្គការសុខភាពពិភពលោក កំពុងសិក្សា ដើម្បីមើលថា តើវាឆ្លង ឬបណ្តាលឱ្យមានជំងឺធ្ងន់ធ្ងរជាងវ៉ារ្យ៉ង់ផ្សេងទៀត ឬក៏វាអាចគេចផុតពីវ៉ាក់សាំងបច្ចុប្បន្ន។

ដោយទទួលបានការណែនាំពីមុនពីរដ្ឋបាលចំណីអាហារ និងឱសថអាមេរិក ដែលតម្រូវឱ្យធ្វើតេស្ដវេជ្ជសាស្រ្តនៅពាក់កណ្តាលដំណាក់កាល លោក Hoge បាននិយាយថា ដំណើរការនេះអាចចំណាយពេលពីបី ទៅបួនខែ។

ក្រុមហ៊ុន Moderna នឹងអាចផលិតវ៉ាក់សាំងនេះ ខណៈដែលវាកំពុងធ្វើតេស្ដសាកល្បង ដើម្បីឲ្យវារួចរាល់ និងដាក់ឱ្យដំណើរការឱ្យបានឆាប់តាមដែលអាចធ្វើទៅបាន នេះបើតាមការផ្សាយរបស់ CNA/Reuters នៅព្រឹកថ្ងៃសុក្រនេះ។