សភាប្រទេសឈីលី អនុម័តច្បាប់អាពាហ៍ពិពាហ៍ភេទដូចគ្នា

សេចក្ដីលម្អិត

ជំពូក៖ ព័ត៌មានអន្តរជាតិ

សមាជរបស់ប្រទេសឈីលី កាលពីថ្ងៃអង្គារ (ទី 7 ខែធ្នូ) បានអនុម័តច្បាប់ ដែលគេទន្ទឹងរង់ចាំជាយូរមក ហើយដើម្បីធ្វើឱ្យស្របច្បាប់អាពាហ៍ពិពាហ៍ភេទដូចគ្នា ដោយចូលរួមជាមួយប្រទេសមួយចំនួនតូចនៅអាមេរិកឡាទីនកាតូលិកភាគច្រើន ដែលមានច្បាប់ស្រដៀងគ្នា។

វិធានការនេះ មានការគាំទ្រពីប្រធានាធិបតី Sebastian Pinera ដែលត្រូវតែចុះហត្ថលេខាលើច្បាប់នេះ ហើយនឹងអនុញ្ញាតឱ្យគូស្នេហ៍ភេទដូចគ្នារៀបការមានកូនផងដែរ។

សេចក្តីព្រាងច្បាប់នេះ បានទទួលភ្លើងខៀវពីសភាជាន់ខ្ពស់ ឬព្រឹទ្ធសភាកាលពីថ្ងៃអង្គារ ហើយត្រូវបានផ្តល់ការអនុម័តចុងក្រោយភ្លាមៗ ដោយសភាជាន់ទាបដោយសំឡេង ៨២ ទល់នឹង ២០ និងមានអនុប្បវាទចំនួនពីរ។

នៅអាមេរិកឡាទីន គូស្នេហ៍ភេទដូចគ្នា អាចរៀបការបានតែក្នុងប្រទេសកូស្តារីកា អេក្វាឌ័រ កូឡុំប៊ី ប្រេស៊ីល អ៊ុយរូហ្គាយ និងអាហ្សង់ទីន និងនៅក្នុងរដ្ឋចំនួន 14 នៃរដ្ឋចំនួន 32 របស់ប្រទេសម៉ិកស៊ិក។

ប្រទេសនេះ បានធ្វើឱ្យស្របច្បាប់សហជីពស៊ីវិលភេទដូចគ្នាក្នុងឆ្នាំ 2015 ហើយបានកំពុងរង់ចាំយ៉ាងអន្ទះសារចំពោះការធ្វើឱ្យស្របច្បាប់នៃអាពាហ៍ពិពាហ៍ស្រឡាញ់ភេទដូចគ្នា ចាប់តាំងពីពេលនោះប្រធានាធិបតី Michelle Bachelet បានបញ្ជូនពង្រាងច្បាប់ទៅសភាក្នុងឆ្នាំ 2017 ។

គម្រោងនេះ ត្រូវបានប្រឆាំងជាប់លាប់ដោយប្លុកអភិរក្សនិយមបំផុតនៃក្រុមស្តាំនិយម ដែលកំពុងកាន់អំណាចរបស់ប្រទេសឈីលី ប៉ុន្តែយ៉ាងណាក៏ដោយ បានទទួលសំឡេងភាគច្រើន "យល់ស្រប" នៅគ្រប់ជំហាននៃដំណើរការនៅក្នុងសមាជ ដែលគ្រប់គ្រងដោយគណបក្សប្រឆាំង នេះបើតាមការផ្សាយរបស់ CNA/AFP នៅព្រឹកថ្ងៃពុធនេះ។