នាយករដ្ឋមន្ត្រីជប៉ុន លោក Fumio Kishida បាននិយាយកាលពីថ្ងៃអង្គារថា លោក បានយល់ព្រមជាមួយរាជទាយាទនៃទីក្រុង Abu Dhabi របស់ប្រទេសអេមីរ៉ាតអារ៉ាប់រួម គឺព្រះអង្គម្ចាស់ Sheikh Mohammed bin Zayed Al Nahyan ដើម្បីធ្វើការរួមគ្នា ក្នុងការជួយរក្សាស្ថិរភាពទីផ្សារប្រេងឆៅអន្តរជាតិ។
លោក Kishida បានប្រាប់អ្នកយកព័ត៌មានថា "ខ្ញុំ បានពិភាក្សាជាមួយរាជទាយាទរបស់អេមីរ៉ាតអារ៉ាប់រួម គឺព្រះអង្គម្ចាស់ Mohammed តាមទូរស័ព្ទ... ហើយយើង បានយល់ព្រមសហការដើម្បីនាំមកនូវស្ថិរភាពនៅក្នុងទីផ្សារប្រេងឆៅអន្តរជាតិ" ។
លោក Kishida បានបដិសេធមិនធ្វើអត្ថាធិប្បាយទេ នៅពេលត្រូវបានសួរថា តើលោក បានជំរុញឱ្យព្រះអង្គម្ចាស់រាជទាយាទ ជំរុញការផលិតប្រេងឬអត់នោះ នេះបើតាមការផ្សាយរបស់ CNA សឹង្ហបុរី ដោយដកស្រង់ពីសារព័ត៌មាន Reuters កាលពីយប់ថ្ងៃអង្គារ។