តាលីបង់ ចោទប៉ាគីស្ថាន អនុញ្ញាតឱ្យយន្ដហោះដ្រូនអាមេរិក ប្រើប្រាស់ដែនអាកាសរបស់ខ្លួន

សេចក្ដីលម្អិត

ជំពូក៖ ព័ត៌មានអន្តរជាតិ

 រដ្ឋមន្ត្រីការពារជាតិស្ដីទី នៃរដ្ឋាភិបាលតាលីបង់ បានចោទប្រកាន់ថា ប៉ាគីស្ថាន បានអនុញ្ញាត ឱ្យយន្ដហោះដ្រូនអាមេរិក ប្រើប្រាស់ដែនអាកាសរបស់ខ្លួន ដើម្បីធ្វើសកម្មភាពវាយប្រហារ ក្នុងទឹកដីអាហ្វហ្កានីស្ថាន។

លោក ថ្លែងបែបនេះនៅឯសន្និសីទសារព័ត៌មានមួយក្នុងទីក្រុងកាប៊ុល កាលពីថ្ងៃអាទិត្យចុងសប្ដាហ៍កន្លងទៅនេះ ជាមួយការបញ្ជាក់ថា យន្ដហោះដ្រូនអាមេរិក បានហោះចូលទឹកដីអាហ្វហ្កានីស្ថាន តាមប៉ាគីស្ថាន។

សូមបញ្ជាក់ថា អាជ្ញាធរប៉ាគីស្ថាន ក៏ធ្លាប់បានច្រានចោលផងដែរ នូវការចោទប្រកាន់ខាងលើរបស់រដ្ឋាភិបាលតាលីបង់ បន្ទាប់ពីយន្ដហោះដ្រូនអាមេរិក ត្រូវបានគេរាយការណ៍ថា បានដឹកនាំការវាយប្រហារតាមផ្លូវអាកាសក្នុងទីក្រុងកាប៊ុល កាលពីខែកក្កដាកន្លងទៅ ដោយបានសម្លាប់មេដឹកនាំក្រុមអាល់កៃដា Ayman al-Zawahiri នេះបើតាមការផ្សាយរបស់ Reuters កាលពីថ្ងៃចន្ទ។