តំបន់អឺរ៉ុប ទំនងជានឹងឈានចូលក្នុងរលកឆ្លងកូវីដ ១៩ ថ្មីមួយទៀត

សេចក្ដីលម្អិត

ជំពូក៖ ព័ត៌មានអន្តរជាតិ

អង្គការសុខភាពពិភពលោក (WHO) និងមជ្ឈមណ្ឌលអឺរ៉ុបសម្រាប់ការបង្កា និងគ្រប់គ្រងជំងឺឆ្លង (ECDC) បាន ឲ្យដឹងកាលពីថ្ងៃពុធថា រលកមួយទៀតនៃការឆ្លងជំងឺកូវីដ ១៩ ប្រហែលជាកំពុងចាប់ផ្តើមក្នុងតំបន់អឺរ៉ុប ខណៈ ករណីឆ្លង ចាប់ផ្តើមរាលដាលពាសពេញតំបន់។

ទិន្នន័យតាមតំបន់របស់ WHO បានបង្ហាញថា មានតែតំបន់អឺរ៉ុបប៉ុណ្ណោះ ដែលបានកត់ត្រាពីការកើនឡើងនៃករណីឆ្លងកូវីដ ១៩ គិតត្រឹមថ្ងៃទី២ ខែតុលានេះ ដោយបានកើនឡើង ៨% ពីសប្តាហ៍មុន។ អ្នកជំនាញផ្នែកសុខភាពសាធារណៈ បានព្រមានថា ភាពចុះខ្សោយនៃការដំណើរការចាក់វ៉ាក់សាំង និងការច្របូលច្របល់លើប្រភេទវ៉ាក់សាំង ទំនងជាកំណត់ការបង្កើនប្រសិទ្ធភាពក្នុងតំបន់។

សូមបញ្ជាក់ថា WHO និង ECDC បានកត់សម្គាល់ថា មនុស្សរាប់លាននាក់នៅទូទាំងទ្វីបអឺរ៉ុប នៅតែមិនទាន់ទទួលបានការចាក់វ៉ាក់សាំងបង្ការជំងឺកូវីដ ១៩ នោះទេ នេះបើតាមការផ្សាយរបស់ AFP កាលពីថ្ងៃព្រហស្បតិ៍។