ភ្នំពេញ៖ ត្រីរាជទម្ងន់ ៩០គីឡូក្រាម ប្រវែង ២ម៉ែត្រ ៦តឹក មួយក្បាល បានជាប់ដាយ នៅដងទន្លេសាប ក្នុងសង្កាត់ គីឡូម៉ែត្រលេខ៦ ខណ្ឌឬស្សីកែវ នាព្រឹកថ្ងៃទី០៩ ខែវិច្ឆិកា ឆ្នាំ២០១៥នេះ ។
បន្ទាប់ពីទទួល បានព័ត៌មាននេះភ្លាមៗ លោក អេង ជាសាន ប្រធានរដ្ឋបាល ជលផល បានដឹកនាំមន្រ្តី របស់ខ្លួន ចុះ ទៅដោះយកត្រីរាជនេះ ចេញពីដាយ និងលែងទៅក្នុង ទឹកភ្លាមៗផងដែរ ។
មន្រ្តីជលផល បានឲ្យដឹងថា ត្រីរាជ ជាត្រីទឹកសាប មួយប្រភេទ ដែលកម្រ ហើយប្រឈម ការផុតពូជផងដែរ។ ការ ដោះលែងត្រីរាជ នាព្រឹកមិញនេះ ក៏មានការចូលរួមពីលោក ហ្សេត សាស្រ្តាចារ្យ ផ្នែកអភិរក្ស សត្វមកពីសាកលវិទ្យា ល័យនៀវ៉ាដា នៅសហរដ្ឋអាម៉េរិក ផងដែរ ៕
ដកស្រង់ពី៖ដើមអម្ពិល