ត្រៀមអាវភ្លៀងឲ្យហើយ! ចាប់ពីថ្ងៃនេះកម្ពុជានឹងធ្លាក់ភ្លៀងខ្លាំងទូទាំងប្រទេស

សេចក្ដីលម្អិត

ជំពូក៖ ព័ត៌មានជាតិ

ក្រសួងធនធានទឹក និងឧតុនិយម បានជូនដំណឹងបន្ថែមពីព្យុះ Tembin នាព្រឹកនេះថា ព្យុះ Tembin នឹងធ្វើដំណើរដល់ឆ្នេរប្រទេសវៀតណាម នាល្ងាចថ្ងៃទី២៥ ខែធ្នូនេះ រួចបន្តដំណើរមកកាន់តំបន់ដីសណ្ដរទន្លេមេគង្គ ក្នុងប្រទេសវៀតណាម។

ព្យុះនេះ នឹងមានឥទ្ធិពលលើព្រះរាជាណាចក្រកម្ពុជា ដោយបង្កឲ្យមានខ្យល់បក់បោកខ្លាំង លាយឡំជាមួយភ្លៀងខ្លាំងនៅផ្ទៃសមុទ្រ និងតំបន់ឆ្នេរ។ ព្យុះនេះក៏នឹងធ្វើឲ្យមានភ្លៀងធ្លាក់ពីមធ្យមទៅច្រើន ស្ទើរទូទាំងប្រទេសកម្ពុជា។ដូចនេះអ្នកធ្វើដំណើរតាមសមុទ្រ ជាពិសេសអ្នកនេសាទ គួរផ្អាកសកម្មភាព ចាប់ពីល្ងាចថ្ងៃទី២៥ ខែធ្នូនេះ រហូតដល់ស្ថានភាពអាកាសធាតុ បានល្អប្រសើរវិញ៕

ដកស្រង់ពី៖Sabay