ឡាន Lamborghini ប្រើ Hybrid ថ្មី ទើបចេញសោះ លក់ដាច់អស់បាត់

សេចក្ដីលម្អិត

ជំពូក៖ ព័ត៌មានផ្សេងៗ

Lamborghini បានប្រកាសចេញរថយន្ត Sián Roadster ប្រើម៉ាស៊ីន Hybrid ថ្មីជាផ្លូវការ។ រថយន្តបើកដំបូលនេះត្រូវផលិតមានចំនួនកំណត់ គឺត្រឹមតែ ១៩គ្រឿងប៉ុណ្ណោះ។រថយន្ត Lamborghini Sián Roadster បំពាក់ម៉ាស៊ីនចំណុះ ៦,៥លីត្រ Naturally Aspirated V12 ជាមួយនឹងម៉ូទ័រអគ្គិសនីមួយ ដែលបង្កើតកម្លាំងបានសរុប ៨០៧សេះ។

វាអាចរត់ស្ទុះពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេលត្រឹមតែ ២,៩វិនាទីប៉ុណ្ណោះ ហើយមានល្បឿនអតិបរមាដល់ ៣៥០គីឡូម៉ែត្រក្នុងមួយម៉ោង។គួរឲ្យដឹងថា រថយន្ត Sián Roadster មានតម្លៃរហូតដល់ទៅ ៣,៣លានដុល្លារក្នុងមួយគ្រឿង ហើយ Lamborghini បានលក់វាដាច់ទាំង ១៩គ្រឿងតែម្តង៕

ដកស្រង់ពី៖sabay