Sharla Cheung តារាជើងចាស់ហុងកុង វ័យ៥០ឆ្នាំជាងហើយ តែក្មេង ២០ជាងសុំខ្មាស

សេចក្ដីលម្អិត

ជំពូក៖ ព័ត៌មានផ្សេងៗ

តារាសម្ដែងហុងកុងជើងចាស់ Sharla Cheung ដែលមានឈ្មោះពេញជាភាសាចិនថា Zhang Min នៅតែរក្សាឈ្មោះជាតារាស្រីដែលមានសម្រស់ស្រស់ស្អាតដដែល បើទោះពេលនេះអ្នកស្រីឈានចូលអាយុ ៥២ឆ្នាំក៏ដោយ។

កាលពីទសវត្សឆ្នាំ ១៩៩០ Sharla Cheung គឺជាតារាស្រីជាទីពេញចិត្តរបស់មហាជន ពិសេសអ្នកនិយមតាមដានភាពយន្តចិន ក៏ដូចជារឿងថតជាមួយនឹងទិនហ្វី (Stephen Chew)។ រឿងដែលអ្នកស្រីសម្ដែងកន្លងមកមិនតិចជាង ៧០រឿងទេ ហើយភាពច្រើនសុទ្ធតែមានការគាំទ្រខ្លាំង។

ដោយឡែកមកទល់ពេលនេះ អាយុក៏ចេះតែវិវត្ត ប៉ុន្តែ Sharla នៅតែធ្វើឲ្យគ្រប់គ្នាដកភ្នែកចេញពុំរួច ដោយសារសម្រស់លេចធ្លោ មិនខ្ចីចាស់។ បើនិយាយពីជីវិតឯកជនវិញ បន្ទាប់ពីថតរឿងចប់កាលពីឆ្នាំ ២០០៦ Sharla បានសម្រេចដកខ្លួនមកសាងជីវិតសាមញ្ញ ដោយប្រតិបត្តិធម៌ព្រះពុទ្ធ ឧស្សាហ៍ធ្វើដំណើរទៅកាន់ទីអារាមជាច្រើនកន្លែងជុំវិញប្រទេសចិន និងធ្វើអំពើសប្បុរសធម៌រាប់មិនអស់។

ទោះបី អ្នកស្រីបង្ហាញមុខថតស្ប៉តកាលពីឆ្នាំ ២០១៧ ប៉ុន្តែនៅតែគ្មានអ្វីនាំចិត្តតារាស្រីរូបនេះវិលមកវិស័យសម្ដែងដែរ៕

ដកស្រង់ពី៖ Sabay