ខែក្រោយ ​TWICE វិលមកវិញជាមួយរសជាតិស្នេហាថ្មីជាមួយ ONCE ស្វាគមន៍រដូវក្ដៅ

សេចក្ដីលម្អិត

ជំពូក៖ ព័ត៌មានផ្សេងៗ

TWICE បានប្រកាសពីការ Comeback បន្ទាប់របស់ខ្លួន ដោយលើកនេះពួកគេមកជាមួយនឹងអាល់ប៊ុមតូចទី ១០ មានឈ្មោះថា «Taste of Love» ដែលនឹងចេញផ្សាយនៅថ្ងៃទី ០៩ ខែមិថុនា។

ផលិតកម្ម JYP បានចេញសេចក្ដីជូនដំណឹងមួយលើបណ្ដាញសង្គមផ្លូវការរបស់ TWICE ថាក្រុមនេះនឹងមកវិញជាមួយនឹងអាល់ប៊ុមថ្មី «Taste Of Love»។

តាមរយៈអាល់ប៊ុមនេះនឹងចេញផ្សាយអាចបង្ហាញខ្លួនសម្រាប់ ONCE និងអ្នកគាំទ្រ K-Pop ទាំងអស់ជុំវិញពិភពលោកនៅថ្ងៃទី០៩ និងទី១១ ខែមិថុនា ហើយគ្រប់គ្នាអាចកុម្ម៉ង់អាល់ប៊ុមថ្មីនេះមុននៅថ្ងៃទី១០ ខែឧសភា ក្នុង Teaser បង្ហាញរូបភាពភេសជ្ជៈសម្រាប់រដូវក្ដៅ ដែលអាចធ្វើឲ្យអារម្មណ៍ស្រស់ស្រាយ ហើយតាមរូបភាពនេះក៏អាចឲ្យអ្នកគាំទ្រកាន់តែដឹងច្បាស់ថា វីដេអូបទចម្រៀងនឹងស្រស់ស្រាយ ស្របពេលក្រុមបានទៅថត MV រួចហើយនៅកោះជេជូ៕

ដកស្រង់ពី៖ Sabay