រឿងមិនទាន់បញ្ចាំងផង YoonA និង Jopngsuk ស៊ីអារម្មណ៍ Fan មុនបាត់ទៅហើយពេលថតម៉ូដជាមួយគ្នា

សេចក្ដីលម្អិត

ជំពូក៖ ព័ត៌មានផ្សេងៗ

តួឯកក្នុងរឿង «Big Mouth» របស់ tvN គឺ Lee Jongsuk និង YoonA បានបង្ហាញមុខរួមគ្នាថតម៉ូដសម្រាប់ទស្សនាវដ្ដី Elle សម្រាប់លេខចេញផ្សាយខែ មីនា។ ក្នុងរឿងតារាប្រុសស្រីទាំង ២ត្រូវដើរតួជាប្ដីប្រពន្ធគ្នា ដោយ Jongsuk គឺជាមេធាវីដែលពូកែតែនិយាយ ប៉ុន្តែគ្មានសកម្មភាព ហេតុនេះទើបអ្នករួមការងារជាមួយឲ្យឈ្មោះថា «មាត់ធំ»។

ផ្ទុយពី Jongsuk បើនិយាយពី YoonA វិញដើរតួជាប្រពន្ធដែលពេញដោយប្រាជ្ញា និងតែងនៅពីក្រោយភាពជោគជ័យរបស់ប្ដី។ ងាកមកលេខចេញផ្សាយរបស់ទស្សនាវដ្ដី Elle សម្រាប់ខែមីនាវិញ Lee Jongsuk និង YoonA ត្រូវបានលើកជានិមិត្តរូបធំ Fashion សម្រាប់រដូវផ្ការីក និងរដូវក្ដៅឆ្នាំ ២០២២។ ភាពស្រស់ស្អាតសង្ហា និងលេចធ្លោរបស់តារាប្រុសស្រីមួយគូនេះ ពិតជាទាក់ទាញ និងមិនអាចមើលរំលងបាននោះទេ៕

ដកស្រង់ពី៖Sabay