តារាល្បីឈ្មោះប្រចាំ កូរ៉េ ខាងត្បូង DJ Soda ថ្លែងប្រាប់អ្នកគាំទ្រថា American Airlines បានធ្វើការសុំទោសនាង ក្រោយមានបុគ្គល ហាមឃាត់នាងចុះពីលើយន្តហោះ ដោយសារនាង ស្លៀកខោមានពាក្យមិនសមរម្យ (Fuck)។
DJ SODA ឈ្មោះពិត Hwang So Hee អាយុ ៣៤ ឆ្នាំ បានទទួលការសុំទោសពីក្រុមហ៊ុន អាកាសចរណ៍ដែលបានបណ្តេញនាងចេញពីយន្តហោះដោយសារតែនាងស្លៀកខោដែលមានពាក្យមិនសមរម្យជាភាសាអង់គ្លេស។
របាយការណ៍ថ្ងៃទី ៩ ខែឧសភា ដោយ Maeil Business Star Today បានបង្ហាញថាក្រុមហ៊ុន Blue ដែលជាទីភ្នាក់ងារនៅពីក្រោយ DJ SODA បានទទួលអ៊ីមែលសុំទោសពីអ្នកគ្រប់គ្រងសេវាកម្ម អតិថិជនរបស់ American Airlines (AA)។
រម្លឹកផងដែរថាកាលពីថ្ងៃ២៦ ខែមេសា DJ Soda បានបង្ហោះសារលើ Instagram ថានាងត្រូវបានបុគ្គលក្រុមហ៊ុនអាកាសចរណ៍បង្អាក់ដំណើររបស់នាងដោយបានដេញនាងចេញពីយន្ដហោះ ឱ្យនាង រងចាំជើងយន្ដក្រោយ ដោយមូលហេតុថានាងស្លៀកខោមិនសមរម្យ៕
ដកស្រង់ពី៖Sabay