Honda Scoopy ស៊េរីឆ្នាំ២០២២ ប្រើសោ Smart Key មានការរចនាតែមថ្មី ប្លែក និងមានពណ៌ស្រស់ស្អាតមើលទៅកាន់តែមានភាពលេចធ្លោ និងបំពាក់ចង្កៀង LED មូលធំដ៏ទំនើបចំកណ្តាលនៃភ្លើងស៊ីញ៉ូទាំងពីរ។
ក្នុងកញ្ចក់កុងទ័រ បង្ហាញព័ត៌មានដល់អ្នកបើកបរដូចជា កម្រិតសាំង នាឡិកា ចម្ងាយបើកបរ ការប្តូរប្រេងម៉ាស៊ីន និងសញ្ញាបង្ហាញពីការប្រើ Idling Stop ជាដើម។ សម្រាប់តម្លៃលក់បច្ចុប្បន្ននៅតាមហាងមួយចំនួន Honda Scoopy Club12 ឆ្នាំ២០២២ Smart Key ថៃមានតម្លៃខ្ទង់ ២ ៨៥០ដុល្លារ។ ម៉ូតូ Scoopy ស៊េរីឆ្នាំ២០២២ មានឃ្លុប២ ក្រោមដៃចង្កូត ដោយឃ្លុបមួយមានរន្ធ USB
។ ចំណែកឃ្លុបខាងក្រោមកែប គឺធំទូលាយ ចំណុះ ១៥,៤លីត្រ អាចដាក់មួកសុវត្ថិភាពបាន១។ វាប្រើប្រាស់ម៉ាស៊ីន eSP កម្លាំង ១១០សេសេ ដោយភ្ជាប់មកជាមួយប្រព័ន្ធប៊ិចសាំង PGM-FI ក្នុងនោះកម្រិតស៊ីសាំងគឺ ១លីត្រ ជិះបាន ៥៥,៦គីឡូម៉ែត្រ៕
ដកស្រង់ពី៖Sabay