រវល់នឹងការងារមែនទេ? ប៉ុន្តែដល់ពេល ភ្ជុំ គិតរក "CHEER ខ្លះទៅ!"

សេចក្ដីលម្អិត

ជំពូក៖ ព័ត៌មានផ្សេងៗ

ធ្វើការ! ធ្វើការ! ការងារធ្វើជារៀងរាល់ថ្ងៃទៅហើយ តែភ្ជុំបិណ្ឌដូច្នេះ គួរតែមានពេល CHEER

សម្រាប់ខ្លួនឯងនិងជាមួយក្រុមគ្រួសារខ្លះទៅ មួយឆ្នាំមានតែម្ដង ទោះរវល់ខ្លាំងយ៉ាងណា ក៏គួរតែចំណាយពេលសម្រាប់ពួកគាត់ផង ពុកម៉ែចាស់ហើយ កុំចំណាយពេលវេលាជាមួយនឹងការងារខ្លាំងពេក ដឹងអត់ថាពុកម៉ែរង់ចាំអ្នក! ឆាប់ៗនេះ រឿងភាគខ្លីមួយឆ្លុះបញ្ចាំងពីជីវិតពិត លាយលំជាមួយនិង ជីវិតការងារ គ្រួសារ ស្នេហា និងទំនាក់ទំនងជាមួយមនុស្សជុំវិញខ្លួន។

ដើម្បីជាចំណីភ្នែកទស្សនិកជនអាច ទស្សនាបាននូវរឿងភាគខ្លីបែបទាន់សម័យនេះ ដែលតួអង្គប្រុសជាមនុស្សដែលមានលក្ខណៈស្រលាញ់តែការងារខ្លាំងមិនខ្វល់ពីអ្វីនៅជុំវិញខ្លួនទាល់តែសោះ សូម្បីតែអ្នកផ្ទះក៏មិនមានពេលចាប់អារម្មណ៍ដែរ។ បើនិយាយពីរឿង CHEER វិញនោះ មិនថាគ្រួសារ កន្លែងការងារនោះទេគឺសូន្យឈឹងតែម្តង។

បែបនេះហើយ CHEER ខ្លះទៅ! សម្រាកបន្តិចក៏មិនអីដែរ! បើក្រឡេកមកមើលតួអង្គឯកយើងទាំង២អ្នកវិញ ជឿជាក់ថា លោកអ្នកនឹងភ្ញាក់ផ្អើលចំពោះវត្តមានរបស់ពួកគាត់ទាំង២នាក់ ក្រោមហេតុផលពិសេសមួយគឺ តួអង្គ BANG ដែលសម្តែងដោយលោក Summer គឺជាការវិលត្រឡប់របស់លោក បន្ទាប់ពីសម្រាកក្នុងការចូលរួមសម្តែងរឿងភាគខ្លីនេះ ហើយកាន់តែពិសេសមួយទៀតគឺតួអង្គ CHEER ដែលសម្តែងដោយកញ្ញា Su Chin គឺជាលើកដំបូងបង្អស់ក្នុងអាជីពរបស់គាត់ សម្រាប់ចូលរួមសម្តែងប្រភេទរឿងភាគខ្លីនេះ។

រឿងភាគខ្លី “Hey You! Cheer ខ្លះទៅ” ផលិតឡើងដើម្បីអបអរសាទរទាំងអស់គ្នានាឱកាសបុណ្យភ្ជុំបិណ្ឌប្រពៃណីជាតិខាងមុខនេះ ហើយក៏ជាសារវិជ្ជមានមួយដើម្បីចែករំលែកសម្រាប់យុវវ័យសម័យថ្មីផងដែរ។ “Hey You! Cheer ខ្លះទៅ” នាំមកជូនលោកអ្នកដោយ ស្រាបៀរ វឌ្ឍនៈ ដើម្បីភាពរីករាយអបអរសាទរទាំងអស់គ្នា Vattanac Premium Beer។

ចង់ដឹងខ្លាំងណាស់មែនទេ ថាសាច់រឿងនឹងទៅជាយ៉ាងណា? ដូច្នេះសូមកុំភ្លេចរង់ចាំតាមដានទស្សនានៅលើ Facebook Page ផ្លូវការរបស់ Vattanac Beer និង UNIX Production ដែលនឹងចាក់ផ្សាយនៅថ្ងៃទី ២២ ខែកញ្ញា ឆ្នាំ ២០២២ ខាងមុខនេះ។

ដកស្រង់ពី៖Sabay