លាហើយ Single! ថ្ងៃនេះ Gong Hyo Jin និងគូស្នេហ៍វ័យក្មេងចូលរោងការហើយ

សេចក្ដីលម្អិត

ជំពូក៖ ព័ត៌មានផ្សេងៗ

តារាសម្ដែង Gong Hyo Jin និងតារាចម្រៀង Kevin Og នឹងត្រូវដឹកដៃគ្នាចូលរផងការហើយនៅថ្ងៃនេះ ដែលពិធីត្រូវបានប្រារព្ធឡើងក្នុងទីក្រុង New York។

នៅថ្ងៃទី១១ ខែតុលា ផលិតកម្ម Manangement SOOP របស់ Gong Hyo Jin បានបញ្ជាក់ការពិតថា៖ «វាជាការពិតដែលគូស្នេហ៍មួយគូនេះរៀបការនឹងគ្នានៅក្នុងទីក្រុង New York នៅថ្ងៃនេះ»។ ទីបំផុតថ្ងៃដែលគូស្នេហ៍មួយគូនេះរង់ចាំ បានមកដល់ហើយ ក្រោយពួកគេសាងស្នេហ៍នឹងគ្នាមួយរយៈមក។ Gong Hyo Jin និង Kevin Oh ទទួលបានការចាប់អារម្មណ៍ខ្លាំងបំផុតនៅពេលពួកគេប្រកាសទទួលស្គាល់ពីទំនាក់ទំនងស្នេហានេះ ដោយសារអ្នកទាំងពីរមានវ័យខុសគ្នាឆ្ងាយ គឺដល់ទៅ ១០ឆ្នាំ។

ឯវិស័យការងារក៏ខុសគ្នាដែរ ពោលគឺម្នាក់មានអាជីពជាតារាសម្ដែង និងម្នាក់គឺជាតារាចម្រៀង និងអ្នកសរសេរបទចម្រៀង។ ទោះជាយ៉ាងណា រយៈពេល ៦ខែក្រោយពីព័ត៌មាននៃទំនាក់ទំនងរបស់ពួកគេចេបែកធ្លាយ ពេលនេះ Gong Hyo Jin និង Kevin Oh នឹងក្លាយជាប្ដីប្រពន្ធនឹងគ្នាស្របច្បាប់ពីថ្ងៃនេះតទៅហើយ៕

ដកស្រង់ពី៖ Sabay