ថេណា អន់ចិត្តខ្លាំង ស៊ូត្រឡប់ទៅធ្វើប្រភេទចម្រៀងចាស់ៗ ដើម្បីផ្គាប់ចិត្ត Fan ម៉ឺនឆ្នាំ

សេចក្ដីលម្អិត

ជំពូក៖ ព័ត៌មានផ្សេងៗ

នៅមុននេះបន្តិចតារាចម្រៀង Original Song សំឡេងផ្អែមស្រទន់ ថេណា ប្រកាសជាផ្លូវការថានៅមិនយូរទៀតទេ លោកនឹងត្រឡប់ទៅធ្វើចម្រៀងលំនាំបទចាស់របស់ខ្លួន ទោះបីកន្លងមកលោកផលិត ចម្រៀងប្រភេទថ្មីជាច្រើន ដើម្បីនាំអ្នកគាំទ្រឱ្យស្គាល់ពីអ្វីថ្មីក៏ដោយ។

ជាការពិតណាស់គ្រប់តារាចម្រៀងទាំងអស់សុទ្ធតែមាន Style ប្រចាំខ្លួនរៀងៗខ្លួន និងមានការវិវត្តន័នៃ រសជាតិថ្មីដូចគ្នាផងដែរ។ ជាក់ស្ដែងតារាចម្រៀង Original ថេណា ក៏មាន Style ប្រចាំខ្លួនផងដែរក្នុង ការធ្វើបទចម្រៀង ដែលបានកែនអ្នកគាំទ្ររាប់លាននាក់ឱ្យស្ដាប់ចម្រៀងរបស់ខ្លួន ប៉ុន្តែនូវរយៈចុង ក្រោយនេះ ថេណា បានផ្លាស់ប្ដូរមួយចំនួននៃការធ្វើប្រភេទចម្រៀងថ្មី ក្នុងរូបភាពនាំឱ្យអ្នកគាំទ្រខ្លួន បានស្គាល់ពីអ្វីថ្មីៗ និងចង់បង្ហាញពីទេព្យកោសល្យ សមត្ថភាពក្នុងការផលិតតន្ត្រី និងចម្រៀងស្នាដៃ របស់ខ្លួនទៅកាន់អ្នកគាំទ្រ។

ថ្វីត្បិតផលិតចម្រៀងថ្មី ប្រជាប្រិយភាព ថេណា បានមិនស្រុតចុះទៅណានោះទេ គឺកើនឡើងជាលំដាប់ តែម្ដង តែផ្ទុយទៅវិញអ្នកគាំទ្រម៉ឺនឆ្នាំរបស់ ថេណា បង្ហាញការថ្អូញថ្អែរចង់ស្ដាប់ចម្រៀងលំនាំប្រភេទ ចាស់ទៅវិញ។ មិនតបត ឬតវ៉ាអ្វីច្រើន ថេណា ក៏បានសន្យាថាមិនយូទេលោកនឹងនាំអារម្មណ៍ អ្នកគាំទ្ររបស់ខ្លួនទៅស្ដាប់រសជាតិចាស់របស់ខ្លួនវិញ៕

ដកស្រង់ពី៖ Sabay