Apple ផ្សងព្រេងចូលទីផ្សារកំពុងរីកចម្រើននៅអាស៊ី តាមរយៈ Online Store នៅវៀតណាម

សេចក្ដីលម្អិត

ជំពូក៖ ព័ត៌មានផ្សេងៗ

ក្រុមហ៊ុនផលិតទូរស័ព្ទ iPhone កំពុងតែស្វែងរកកំណើនការប្រើប្រាស់ក្នុងចំណោមប្រជាជនវ័យក្មេង នៅទីផ្សារដែលក្រុមហ៊ុនពុំទាន់បានក្ដោបក្ដាប់។ ការពង្រីកទៅកាន់ប្រទេសវៀតណាម គឺជាផ្នែកមួយនៃយុទ្ធសាស្ត្រអាជីវកម្មដ៏ទូលំទូលាយរបស់អ្នកផលិត iPhone ។

នៅពេលដែលការលក់នៅក្នុងប្រទេសចិនប្រឈមនឹងការលំបាក ដោយសារតែតម្រូវការទាប ក៏ដូចជាការថមថយ ការផ្សារភ្ជាប់ផលិតកម្ម ក្រុមហ៊ុន Apple បានងាកទៅរកទីផ្សារដែលកំពុងរីកចម្រើន ដូចជាប្រទេសឥណ្ឌា ប្រេស៊ីល និងម៉ាឡេស៊ី ដើម្បីជំរុញការលក់របស់ខ្លួន។ ចលនានេះបានបង្ហាញពីលទ្ធភាពជោគជ័យលើទីផ្សារថ្មីនៅអាស៊ី។

នាយកប្រតិបត្តិ Tim Cook បាននិយាយនៅលើរបាយការណ៍ស្វែងរកប្រាក់ចំណូលចុងក្រោយបំផុតរបស់ក្រុមហ៊ុន Apple នៅថ្ងៃទី 4 ខែឧសភាថា៖ «យើងមានតារាងប្រចាំត្រីមាស នៅក្នុងទីផ្សារដែលកំពុងរីកចម្រើនជាទូទៅ និងសក្ដានុពលនៃប្រជាសាស្រ្ត ជាពិសេសក្នុងស្រទាប់អ្នកប្រើប្រាស់វ័យក្មេងដែលជាឱកាសដ៏ល្អសម្រាប់យើង។ មិនទាន់មានការលើកឡើងពីពេលវេលានៃការដំណើការហាងលក់រាយដែលនឹងបើកនៅក្នុងប្រទេសវៀតណាមនោះទេ ប៉ុន្តែការបើកដំណើរការហាងអនឡាញទំនងជាជំហានមុនគេ។ Apple បានបើកដំណើរការហាងអនឡាញដំបូងរបស់ខ្លួននៅក្នុងប្រទេសឥណ្ឌាក្នុងឆ្នាំ 2020 ហើយទីបំផុតបានបើកហាងលក់រាយដំបូងរបស់ខ្លួននៅក្នុងប្រទេសដដែលនេះកាលពីខែមុន។

ខ្សែសង្វាក់ផ្គត់ផ្គង់របស់ Apple ក៏កំពុងបង្កើនទំនាក់ទំនងជាមួយប្រទេសវៀតណាមផងដែរ។ ក្រុមហ៊ុន Foxconn ដែលជាក្រុមហ៊ុនផ្គត់ផ្គង់បរិក្ខាដល់ iPhone ដ៏ធំរបស់ Apple បានប្រកាសកាលពីខែកុម្ភៈថា ខ្លួនកំពុងពង្រីកផលិតកម្មនៅក្នុងប្រទេសវៀតណាម ជាមួយនឹងការវិនិយោគចំនួន 300 លានដុល្លារ។ ក្រុមហ៊ុនផលិតតៃវ៉ាន់មួយនេះបានប្រតិបត្តិការនៅខេត្ត Bac Giang ភាគខាងជើងអស់រយៈពេល 15 ឆ្នាំ។ Apple បាននិងកំពុងស្វែងរកការធ្វើពិពិធកម្មសង្វាក់ផ្គត់ផ្គង់របស់ខ្លួននៅខាងក្រៅប្រទេសចិន ដែលមួយផ្នែកត្រូវបានជំរុញដោយផលប៉ះពាល់នៃការបិទខ្ទប់កំឡុងពេលកាលពីឆ្នាំមុន។ គោលនយោបាយដ៏តឹងរ៉ឹងរបស់ទីក្រុងប៉េកាំងបានបង្កឱ្យមានការតវ៉ា និងបង្អាក់ការផលិតនូវរោងចក្រផលិត iPhone ដ៏សំខាន់មួយរបស់ខ្លួននៅទីក្រុង Zhengzhou អស់ជាច្រើនខែ ដោយកាត់បន្ថយទិន្នផលរបស់ Apple៕

ដកស្រង់ពី៖Sabay