ពុទ្ធោ! រូបថត ខេម កាលពី ២០ឆ្នាំមុន មើលហើយស្ទើរមិនជឿភ្នែកខ្លួនឯង

សេចក្ដីលម្អិត

ជំពូក៖ ព័ត៌មានផ្សេងៗ

ថ្ងៃនេះ ទី១ ខែមិថុនា ឆ្នាំ២០២៣ ត្រូវនឹងថ្ងៃទិវា កុមារអន្ដរជាតិ។ ដ្បិតកម្ពុជា លុបលែងឲ្យមានថ្ងៃឈប់សម្រាក ឬថ្ងៃបុណ្យក្នុងថ្ងៃនេះ ប៉ុន្ដែគេឃើញសិល្បករ-សិល្បការិនីខ្មែរមួយចំនួននៅតែរំលឹកវា ដោយអ្នកខ្លះបានបង្ហាញទាំងរូបខ្លួនឯងកាលពីកុមារភាពទៀតផង។

ដោយឡែក ខេម បានបញ្ចេញរូបថតដ៏គួរភ្ញាក់ផ្អើល១សន្លឹក។ តារាចម្រៀងប្រុសជួរមុខម្នាក់របស់ផលិតកម្មហ្គាឡាក់ស៊ី ខេម បានប្រើគណនីហ្វេសប៊ុករបស់ខ្លួនបង្ហោះរូបថតខ្លួនជាមួយម្ដាយកាលពី ២០ឆ្នាំមុន។ លោកនិយាយថា៖ “ទិវាកុមារអន្តរជាតិ ២០ជាងឆ្នាំមុនជាមួយអ្នកម្តាយ”។ តាមរយៈរូបថតមួយសន្លឹកដែលមិត្ដិសិល្បៈ និងអ្នកគាំទ្រលោកកម្របានឃើញនេះ មានអ្នកខ្លះនិយាយចំអកបែបលេងសើច និងអ្នកគាំទ្រខ្លះទៀត បានបង្ហាញការកោតសរសើរដែលពូកែរក្សាទុកនូវរូបថតពីអតីតកាល ព្រមទាំងបង្ហាញការអាណិតស្រឡាញ់រូបលោកលើចំណុចជាច្រើនទៀត៕

ដកស្រង់ពី៖ Sabay