តារាកូរ៉េម្នាក់ទៀតហើយ ត្រូវប៉ូលីសស្ទាក់ទុក ក្រោយបង្កគ្រោះថ្នាក់ចរាចរណ៍ហើយបើករត់

សេចក្ដីលម្អិត

ជំពូក៖ ព័ត៌មានផ្សេងៗ

តារាកូរ៉េ Kim Jung Hoon ជាតារាសម្តែង និងជាតារាចម្រៀងវ័យ ៤៤ ឆ្នាំ ត្រូវបានគេកំណត់ថា ជាមុខសញ្ញាបង្កគ្រោះថ្នាក់ចរាចរណ៍ ខណៈមានជាតិស្រវឹងក្នុងខ្លួន ប៉ុន្តែពេលក្រុមប៉ូលីសទាមទារពិនិត្យ លោកបែរជាបដិសេធមិនឲ្យធ្វើតេស្តខ្យល់ដង្ហើមឡើយ។

កាលពីថ្ងៃទី ០៧ ខែមករា ស្ថានីយ៍ប៉ូលីសទីក្រុង Seoul Suseo បានរាយការណ៍ថាតារាសម្ដែង Kim Jung Hoon ត្រូវបានក្រុមការងារមានសមត្ថកិច្ចស្ទាក់ទុក ក្រោយលោកបដិសេធការធ្វើតេស្តខ្យល់ដង្ហើម ដែលជាការបំពានច្បាប់ចរាចរណ៍ផ្លូវគោក ហើយបច្ចុប្បន្នកំពុងស្ថិតនៅក្រោមការស៊ើបអង្កេត។

យោងតាមប៉ូលីស ឧបទ្ទវហេតុនេះបានកើតឡើងនៅព្រឹកព្រលឹមថ្ងៃទី ២៩ ខែធ្នូឆ្នាំមុនម្ល៉េះ គឺស្ថិតនៅខ្ទង់ម៉ោងម៉ោង ៣ និង ៣០ នាទីព្រឹក នៅក្នុងតំបន់ Ilwon-dong, Gangnam-gu ទីក្រុង Seoul។

ពេលកំពុងបើកបរ តារាប្រុសខាងលើបានប្តូរគន្លងផ្លូវ ហើយបានបុកជាមួយរថយន្តដែលនៅពីមុខ។ ប៉ូលីសដែលបានទៅដល់កន្លែងកើតហេតុ បានស្នើសុំឱ្យ Kim Jung Hoon ធ្វើតេស្តដង្ហើមចំនួនបីដង ប៉ុន្តែលោកបែរជាមិនសហការ និងបដិសេធរាល់សំណើទាំងអស់។ ដូច្នេះហើយ ទើបត្រូវបានឃុំខ្លួនក្រោមការចោទប្រកាន់ពីបទបដិសេធមិនព្រមឲ្យតេស្តខ្យល់ដង្ហើមតាមច្បាប់ចរាចរណ៍ផ្លូវគោក។

ជាងនេះទៅទៀត បន្ទាប់ពីត្រូវបាននាំទៅកាន់ស្ថានីយ៍ប៉ូលីស ដើម្បីសាកសួរ តារាប្រុសរូបនេះក៏ត្រូវបានអនុញ្ញាតឱ្យត្រឡប់ទៅផ្ទះវិញ។ ប៉ូលីសគ្រោងនឹងកោះហៅគាត់ម្តងទៀតក្នុងពេលឆាប់ៗនេះ ដើម្បីស៊ើបអង្កេតពីមូលហេតុដែលគាត់បដិសេធមិនធ្វើតេស្តខ្យល់ដង្ហើម និងដើម្បីសាកសួរបន្ថែមអំពីព័ត៌មានលម្អិតនៃគ្រោះថ្នាក់នេះ។

ដំបូងឡើយត្រូវបានរាយការណ៍ថាជាករណីដែលពាក់ព័ន្ធនឹងតារាសម្តែង/ចម្រៀងអាយុខ្ទង់ ៤០ ឆ្នាំ ក្រោយមកត្រូវបានបង្ហាញថាជា Kim Jung Hoon។ ពីមុនគាត់ត្រូវបានដកហូតអាជ្ញាប័ណ្ណរបស់លោកនៅខែកក្កដាឆ្នាំ ២០១១ ដោយសារតែការចោទប្រកាន់ DUI (បើកបរទាំងស្រវឹង) ដែលធ្វើឱ្យមានការព្រួយបារម្ភថាការបដិសេធថ្មីៗនេះដើម្បីឆ្លងកាត់ការធ្វើតេស្តគឺជាការប៉ុនប៉ងដើម្បីជៀសវាងការគិតថ្លៃ DUI ផ្សេងទៀត។ ជាការពិត Kim Jung Hoon ដែលពីមុនបានផ្អាកការងារសិល្បៈ ដោយសារតែជម្លោះផ្ទាល់ខ្លួនពាក់ព័ន្ធនឹងអតីតមិត្តស្រីនោះ ពេលនេះបាននិងកំពុងទាក់ទាញការចាប់អារម្មណ៍ជាថ្មី ចំពេលមានភាពចម្រូងចម្រាសនេះ។

តារាប្រុសរូបនេះត្រូវបានគេស្គាល់ច្បាស់បំផុត ពេលសម្ដែងរឿង «Princess Hours» ឬ «ក្រមុំឡិកឡក់កម្លោះទុយមុយ» ជាតួ ព្រះអង្គម្ចាស់ Lee Yul កាលពីឆ្នាំ ២០០៦៕

ដកស្រង់ពី៖Sabay