iOS 18 ត្រូវគេចាត់ទុកថា ជាការកែប្រែធំមួយ នៅក្នុងប្រវត្តិសាស្រ្តរបស់ក្រុមហ៊ុន Apple

សេចក្ដីលម្អិត

ជំពូក៖ ព័ត៌មានផ្សេងៗ

ក្រុមហ៊ុន Apple កំពុងតែត្រៀមរៀបចំសម្រាប់ការធ្វើបច្ចុប្បន្នភាព ប្រព័ន្ធប្រតិបត្តិការ iOS នៅលើ iPhone ដ៏សំខាន់បំផុតរបស់ខ្លួន ជាមួយនឹងការចាប់ផ្តើមនៅក្នុង iOS 18 នាពេលខាងមុខ។

នេះបើយោងតាមរបាយការណ៍របស់ Bloomberg's Mark Gurman ។ គេរំពឹងថា iOS 18 នឹងត្រូវបានបង្ហាញនៅក្នុងសន្និសិទអ្នកអភិវឌ្ឍន៍ទូទាំងពិភពលោកក្នុងខែមិថុនា ការធ្វើបច្ចុប្បន្នភាពប្រព័ន្ធប្រតិបត្តិការ iOS នេះត្រូវបានគេចាត់ទុកជាកំណែ update ធំបំផុតមួយក្នុងប្រវត្តិសាស្ត្ររបស់ Apple ។ ការផ្តោតលើការធ្វើឱ្យប្រសើរឡើងនូវបញ្ញាសិប្បនិមិត្ត (AI) រួមទាំង Siri ដែលត្រូវបានកែលម្អជាមួយនឹងគំរូភាសាដ៏ធំស្រដៀងទៅនឹង ChatGPT ។

មុខងារ Siri នឹងបើកដំណើរការដោយស្វ័យប្រវត្តិ នៃកិច្ចការស្មុគស្មាញតាមរយៈការបញ្ជាដោយសំឡេង។ Apple ក៏មានបំណងដាក់បញ្ចូល RCS ដែលជាមុខងារផ្ញើសារដ៏សម្បូរបែបទៅក្នុងកម្មវិធី Messages របស់ខ្លួន ដោយនាំយកមុខងារដូច iMessage ទៅកាន់អ្នកប្រើប្រាស់ កាន់តែទូលំទូលាយបន្ថែមទៀត។ មុខងារនេះនឹងអនុញ្ញាតឱ្យអ្នកប្រើប្រាស់ ចែករំលែករូបថតជាមួយគុណភាពបង្ហាញខ្ពស់ (high resolution) ។ វាក៏នឹងអនុញ្ញាតឱ្យផ្ញើសារតាម WiFi និងកែលម្អការ chat ជាក្រុមផងដែរ៕

ដកស្រង់ពី៖Sabay