គាស់មកអស់ហើយ! សុទ្ធតែសិល្បករ និងបុគ្គលល្បីៗបង្ហាញខ្លួនក្នុងពិធីមង្គលការ ហេង វិសាល និង ស្រីនា

សេចក្ដីលម្អិត

ជំពូក៖ ព័ត៌មានផ្សេងៗ

ពិធីមង្គលការ influencer វ័យក្មេង លោក ហេង វិសាល និង ជា ស្រីនា កំពុងជាទីចាប់អារម្មណ៍ពីមជ្ឈដ្ឋានជុំវិញខ្លួន ព្រោះអ្នកទាំងពីរបានម៉ៅអគារដឺព្រីមៀសេនធ័រ សែនសុខ ដល់ទៅ ៥ ដើម្បីរៀបចំពិធីមង្គលការ និងត្រៀមទទួលភ្ញៀវកិត្តិយសមកពីគ្រប់ទិសទី។

អ្នកចូលរួមពិធីមង្គលការថ្ងៃទី១ នាំគ្នាលាន់មាត់សរសើរភាពធំសម្បើមនៃពិធីមង្គលការរបស់ influencer វ័យក្មេងទាំងពីរ ដែលរៀបចំតុបតែងយ៉ាងប្រណីតលម្អដោយគ្រឿងផ្កាភ្ញីយ៉ាងស្រស់ត្រកាល។ បើនិយាយពីសម្រស់របស់កូនកំលោះកូនក្រមុំវិញនោះ ពិតជាស្រស់ស្អាតហើយសមគ្នាខ្លាំងណាស់ មើលទៅគួរឱ្យស្រលាញ់ខ្លាំងមែនទែនតែម្តង។

អ្វីដែលគួរឱ្យចាប់អារម្មណ៍មង្គលការរបស់ Content Creator សានា ពោរពេញដោយម្ហូបអាហារ និងបង្អែមឆ្ងាញ់ ប្រៀបីដូចជា street food ដូច្នោះដែរ។ តាមរយៈរូបភាព និងវីដេអូផ្សេងៗ ដែលបង្ហោះចែកចាយលើបណ្តាញសង្គមហ្វេសប៊ុក និង Tik Tok បង្ហាញឱ្យឃើញថា ពិធីមង្គលការរបស់ កំលោះសង្ហា ហេង វិសាល និងសោភារូបស្រស់ ជា ស្រីនា ពិតជាអធិកអធមខ្លាំង ព្រោះគេឃើញអ្នកចូលរួមពិធីមង្គលការនេះសុទ្ធសឹងតែជាបុគ្គលល្បីៗដែលមានឈ្មោះបោះសម្លេងនៅកម្ពុជា រាប់ចាប់តាំងពីភ្ញៀវកិត្តិយស, អ្នកជំនួញអនឡាញ, តារាចម្រៀង, តារាសម្តែង, Influencer, អ្នកផលិតមាតិកាចម្រុះប្រភេទ, តារា Tik Tok និងអ្នក review ម្ហូបអាហារ ជាដើម សូម្បី ព្រះនាងតូច នរោត្តម ជេនណា ក៏បានយាងទៅពញ្ញាក់អារម្មណ៍ វិសាល និង ស្រីនា ដល់រោងជ័យផងដែរ ថែមទាំងមានអំណោយនាឡិកាដៃជូនដល់គូរស្វាមីភរិយាថ្មីថ្មោងទាំងពីរទៀតផង៕

ដកស្រង់ពី៖Sabay