Sony Alpha a6400កាមេរ៉ាស៊េរី​ថ្មីល្អ​បំផុត​សម្រាប់VloggerឬYouTuber

សេចក្ដីលម្អិត

ជំពូក៖ ព័ត៌មានផ្សេងៗ

ឆ្នាំ 2019 ដល់ពេល SONY មានផលិតផលថ្មីសម្រាប់ YouTuber ឬ Vlogger ទៀតហើយ ជាមួយផលិតផល

ម៉ាស៊ីនកាមេរ៉ាពពួក Mirrorless ជំនាន់ចុងក្រោយគេបំផុតរបស់ខ្លួន ដែលត្រូវបានបន្ថែមមក ជាមួយនឹងមុខ ងារពិសេសៗ ពិសេសបង្កើនសមត្ថភាពក្នុងការផលិតរូបភាព និងវីដេអូឲ្យកាន់តែល្អឡើង ថែមមួយ កម្រិត ទៀត។ ការប្រកាសចេញនេះគឺជាម៉ាស៊ីនកាមេរ៉ាស្ថិតក្នុងត្រកូល Alpha មានម៉ូឌែលសម្គាល់ a6400 ជាប្រ ភេទកាមេរ៉ា ដែលមានសមត្ថភាពគ្រប់គ្រាន់សម្រាប់ការថតវីដេអូរបស់អ្នក ព្រោះវាមានរូបរាងតូចល្មម ងា យស្រួលកាន់ យកតាមខ្លួន ហើយក៏មានល្បឿនលឿនក្នុងការ Focus ទៀតផង ដែលធ្វើឲ្យការ ផលិត វីដេ អូរលូនល្អ។

SONY Alpha a6400 នឹងធ្វើឲ្យ Vlogger និង YouTuber ពេញចិត្តជាមួយអេក្រង់ទំហំ 3 អ៊ីញ ជាប្រភេទ TFT LCDអាចកាន់បង្វែរមកខាងមុខបានក្នុងកម្រិតមុំ180ឌឺក្រេ បើសិទ្ធិឲ្យម្ចាស់របស់វាធ្វើការថត និងមើលប្លង់ ថត បាន ដោយកាន់តែដៃម្ខាង។ ម៉ាស៊ីនថ្មីនេះប្រើប្រាស់ខួរក្បាល BIONZ X Processor ដើម្បីគ្រប់គ្រង និងផលិតនូវសមិទ្ធផល តាមការថតដោយប្រើប្រាស់សេនស័រប្រភេទ APS-C Exmor ជាប្រភេទ CMOS ទំហំ23.5x15.6mmបើកសិទ្ធិឲ្យវាអាចថតរូបសន្លឹកបានក្នុងទំហំ24.2មេហ្គាភិចសែលថតរូប ល្បឿនលឿន បាន11សន្លឹកក្នុងមួយវិនាទីឬ8 សន្លឹកសម្រាប់ការថតបែបស្ងាត់ អមជាមួយនឹងការថតវីដេអូបានកម្រិតដល់ 4Kក្នុងល្បឿន30fpsឬ1080pល្បឿន120fpsឬតាមការកំណត់ផ្សេងៗទៀតតាមប្លង់ ឬសកម្មភាពវីដេអូដែល អ្នកប្រើប្រាស់ចង់បាន។

ចំនុចស្នូលធំមួយដែលធ្វើឲ្យ Alpha a6400 មានភាពលេចធ្លោនោះគឺស្ថិតនៅលើសមត្ថភាពចាប់រូបភាព (AF)ដោយយោងតាមការអះអាងរបស់SONYបានឲ្យដឹងថាa6400 មានសមត្ថភាពខ្ពស់ក្នុងការចាប់យករូប ភាព និងវីដេអូ (Focus) បានប្រសើរជាងមុនក្នុងល្បឿន 0.02 វិនាទី ជាមួយនឹងមុខងារ Real-Time Tracking ដែលកាមេរ៉ានឹងដេញចាប់ Object ដោយស្វ័យប្រវត្តិ អគុណទៅដល់សេនស័រ APS-C ដែលមាន Phase Detectionដល់ទៅ425បើកសិទ្ធិឲ្យការFocusនិងដេញចាប់វត្ថុអ្វីមួយនៅក្នុងប្លង់បានល្អ ទោះបីសកម្មភាព នោះមានការផ្លាស់ប្ដូរទីតាំងច្រើនឬរហ័សក៏ដោយដូច្នេះការកាន់ថតឬដើរថតជាមួយa6400 នេះនឹងធ្វើឲ្យ វីដេអូរបស់អ្នករលូនល្អ ចាប់ផ្ទៃមុខបានដោយគ្មានបញ្ហា ថែមទាំងកាត់បន្ថយរំញ័របានទៀតផង។

លក្ខណៈពិសេសផ្សេងទៀតនោះ វាបំពាក់មកជាមួយនឹង Viewfinder ជាប្រភេទ XGA OLED សម្រាប់ថតរូប អាចតភ្ជាប់ទៅកាន់ភ្លើងFlashក្រៅនិងអាចផ្លាស់ប្ដូរកែវលែនសម្រាប់ថតនៅតាមកាលៈទេសៈ ដោយប្រើ ប្រាស់កែវលែនត្រកូលEរបស់SONY។ SONY នឹងចេញលក់ម៉ាស៊ីនកាមេរ៉ានេះនៅខែកុម្ភៈខាងមុខនេះហើយ ដែលវាមានតម្លៃចន្លោះពី USD 1,000 ឡើងទៅ USD 1,300 ជាមួយនឹងការធានាពេញមួយឆ្នាំពី SONY។

ខាងក្រោមគឺជាលក្ខណៈសម្បត្តិផ្លូវការនៃ Alpha a6400៖

ដកស្រង់ចេញពីhttp://cambo-report.com/article/15093