រូបភាព​គម្រូ​ដំបូង​បង្ហាញ​ថា Vivo Apex 2019 គ្មាន​រន្ធ​សាក​ថ្ម គ្មាន​ប៊ូតុង​សម្លេង និង​គ្មាន​ប៊ូតុង​ទាំង​អស់!

សេចក្ដីលម្អិត

ជំពូក៖ ព័ត៌មានផ្សេងៗ

ប្រហែលកាលពីសប្ដាហ៍មុន យើងបានឃើញរូបភាពផូស្ទ័រ បង្ហាញអំពីស្មាតហ្វូនស៊េរីថ្មី របស់ក្រុមហ៊ុន Vivo

ដែលមានតែរូបរាង របស់ស្មាតហ្វូនបែប 3D ហើយមានលក្ខណៈផុស និងបូកថែមទាំង ដំណក់ទឹកផងដែរ ដោយមើលទៅ ដូចជាមានគែមកោង គ្រប់ជ្រុងទាំងអស់អញ្ចឹង។ ខណៈពេលឥឡូវនេះ យើងក៏បានឃើញ មាន រូបភាពគម្រូតែម្ដង ដែលតាមពិតទៅ ហាក់ដូចជាមិនមែន អេក្រង់កោងគ្រប់ជ្រុងនោះទេ ក៏ប៉ុន្ដែវា គឺ ជាផ្នែក ខាងក្រោយប៉ុណ្ណោះ ដោយវាបានគ្រប ដណ្តប់តួខ្លួនវិញ ហើយធ្វើឲ្យផ្នែកចំហៀងៗទាំងអស់ គ្មាន រន្ធ និងប៊ូតុងបញ្ជា សម្លេងផងដែរ។

ស្មាតហ្វូន Vivo Apex 2019 នឹងត្រូវបានដាក់បង្ហាញជាផ្លូវការ នៅក្នុងថ្ងែទី 24 ខែមករា ឆ្នាំ 2019 ឆាប់ ៗខាងមុខនេះ ដែលត្រូវបានគេរំពឺងថា នឹងមានតួខ្លួនប្លែក ជាងស្មាតហ្វូនផ្សេងៗ ចេញពីក្រុមហ៊ុនដទៃ ថែមទៀតផង។ ដោយក្នុងពេលឥឡូវនេះ ប្រិយមិត្តអ្នកអាន ទាំងអស់គ្នា ក៏មានឱកាសបាន មើលរូប ភាព គម្រូដំបូង ដែលទើបនឹងត្រូវបាន លេចធ្លាយមក អំពី Vivo Apex 2019 នេះ ដែលជាស្មាតហ្វូនអេក្រង់លាត និងជាស្មាតហ្វូនដំបូង គ្មានប៊ូតុង ថែមទាំងគ្មានរន្ធ អ្វីទាំងអស់ផងដែរ។ លើសពីនេះទៅទៀត អ្វីដែល គួរឲ្យចាប់អារម្មណ៍នោះគឺ នៅត្រង់ផ្ទៃអេក្រង់ខាងមុខ មើលទៅដូចជាគ្មាន កាម៉េរា Selfie នោះទេ ហើយ បើគ្មានប៊ូតុង គ្មានរន្ធសម្លេង និងគ្មានរន្ធសាកថ្មដូច្នេះ អាចមានផលប៉ះពាល់ដល់ ការប្រើ ប្រាស់ ប្រចាំ ថ្ងៃនោះទេ ឬក៏ក្រុមហ៊ុន Vivo មានដំណោះស្រាយល្អសម្រាប់ជំនួសហើយ មើលទៅនោះ។

***សូមទស្សនាវីដេអូខាងក្រោមដែលជាការបង្ហាញអំពីស្មាតហ្វូន Vivo Apex 2019 នេះ៖

សរុបមក ស្មាតហ្វូន Vivo Apex 2019 មួយនេះគឺពិតជា ធ្វើឲ្យមនុស្យជាច្រើន មានការចាប់ អារម្មណ៍ ទៅលើវា ដោយតួខ្លួន និងរូបរាង ពិតជាប្លែកពីស្មាតហ្វូន មាននៅលើទីផ្សារ ក្នុងពេលបច្ចុប្បន្ននេះ ហើយ ក៏ ត្រូវ បានគេសង្ឃឹមថា នឹងអាចមានការ លេចធ្លាយបន្ដទៀត ក្នុងរយៈពេល ប៉ុន្មានថ្ងៃខាងមុខ ដូច្នេះសូម ប្រិយមិត្ត អ្នកអានរង់ចាំតាមដាន ទាំងអស់គ្នា។

ដកស្រង់ចេញពីhttp://cambo-report.com/article/15147