MSI GS75 សម្រាប់​ដើម​ឆ្នាំ 2019 នេះ មាន​ចំណុច​ពិសេស​អ្វី​ខ្លះ​ទៅ?

សេចក្ដីលម្អិត

ជំពូក៖ ព័ត៌មានផ្សេងៗ

MSI គឺជាម៉ាកសញ្ញាដ៏ធំមួយ នៅក្នុងចំណោមក្រុមហ៊ុន ផលិតកុំព្យូទ័រកំពូល ដទៃទៀត ដែលទទួលបាន

ការគាំទ្រយ៉ាងច្រើន ពីសំណាក់អ្នកប្រើប្រាស់ ជុំវិញពិភពលោក ហើយនេះក៏ដោយសារតែ ក្រុមហ៊ុននេះ ផលិតកុំព្យូទ័រឡើង បាញ់ចំបេះដូងរបស់ អ្នកប្រើប្រាស់ភាគច្រើនតែម្តង ដែលរួមមានចំណុចធំៗ ដូចជា រូបរាងកាច ស្តើង ប្រើប្រាស់បច្ចេកវិទ្យាចុងក្រោយ និងពិសេសជាងគេនោះ គឺកម្លាំងម៉ាស៊ីនខ្លាំង សម្រាប់ទាំងជម្រើស Workstation, Gaming និងក្រាហ្វិកឌីហ្សាញ។ហើយស្របពេល ជាមួយគ្នានេះដែរ ក្រុមហ៊ុនមួយនេះ ក៏ទើបនឹងបញ្ចេញ ម៉ូឌែលថ្មីមួយទៀត សម្រាប់ត្រកូល Gaming កាលពីព្រឹត្តិការណ៍ CES 2019 កន្លងទៅ ជាមួយនឹង ការសហការ និងក្រុមហ៊ុនធំមួយទៀត ល្បីផ្នែកក្រាហ្វិកកាត គឺ NVIDIA។ ដោយពួកគេសម្រេច បំពាក់ក្រាហ្វិកកាតជំនាន់ថ្មី RTX នៅលើ ម៉ាស៊ីន MSI ជំនាន់ថ្មីនេះ ហើយកុំព្យូទ័រ ដែលយើង នឹងជជែកគ្នានេះដែរ មានឈ្មោះថា MSI GS75 Stealth។ អញ្ចឹងតើលើកនេះ វាពិសេសអ្វីខ្លះ សម្រាប់ត្រកូល GS?

សម្រាប់ប្រិយមិត្ត ដែលមិនទាន់បានជ្រាបអំពី ការប្រកាសនេះ គឺវាត្រូវបាន បំពាក់មកជាមួយ អេក្រង់ 17.3” អ៊ីញ 144Hz IPS-level ជាមួយរូបរាង គួរអោយទាក់ទាញ ស្រោបដោយលោហៈធាតុ លាយខ្សាច់ ព័ទ្ធជុំវិញ ដោយខ្សែពណ៌មាស មើលទៅកាន់តែស្រស់ឆើតឆាយ។

ជាមួយនឹងតួដែលរចនាបែប Thin Bezel  បានធ្វើអោយវាក្លាយជា Gaming Laptop ដែលមានរាងស្តើង និង ស្រាល ហើយពិសេសទៅទៀតនោះ វាបានបំពាក់ក្រាហ្វិច GeForce RTX 2080 ដែលជាស៊េរីចុងក្រោយ ទៀតផង។ វាមានទំងន់ ត្រឹមតែ 2.2 kg កម្រាស់ 18.95 mm តូចជាង 17” laptops ទូទៅរហូតដល់ទៅ 60% ផ្តល់អោយអ្នកលេងហ្គេម ជាមួយការបង្ហាញ កាន់តែប្រសើរ។

ទៅលើផ្នែកម៉ាស៊ីនខាងក្នុង ខ្ញុំសូមលើកយក ម៉ូឌែលដែលកប់ស៊េរីជាងគេ នោះគឺ GS75 8SG ដែលត្រូវ បានផ្គុំឡើងដោយ៖

• CPU : Intel i7-8750H 2.20GHz Max 4.10GHz

• VGA 1 : Intel UHD Graphics 630

• VGA 2 : NVIDIA RTX 2080 Max-Q Design

• RAM : 32GB DDR4

• HDD 1 : 1000GB PCIe

• HDD 2 : 1000GB (M.2 SSD)

• Batt : 4 Cell 82 Battery (Whr)

ចំណុចពិសេស ផ្សេងៗទៀត មានដូចជា ត្រចៀកពណ៌មាស ធ្វើពីអាលុយមីញ៉ូម, Touchpad ធំនិងផ្ទៃខាង លើ ធ្វើពីកញ្ចក់, Keyboard ផ្តល់នូវសម្លេងស្ងាត់ជាងមុន និងបង្កប់ដោយភ្លើងពណ៌ RGB ហើយការរចនា the  1st passive radiator នៅលើ speaker របស់ Laptop GS75 អាចផ្តល់នូវសម្លេង audio bass និង “extra oomph” សម្លេងកាន់តែពិរោះ។

យ៉ាងណាមិញ ទាំងនេះគឺជាការបង្ហាញលក្ខណៈសម្បត្តិត្រួសៗ អំពីត្រកូល GS លេខ GS75 តែប៉ុណ្ណោះ ហើយ ដោយសារតែ យើងមិនទាន់ បានកាន់ផ្ទាល់ដៃ អញ្ចឹងផ្នែកមួយចំនួនទៀត យើងក៏មិនអាច អារកាត់ ដោយ ការសន្និដ្ឋាន មិនច្បាស់លាស់បានដែរ។ ទាក់ទងទៅនឹង កាលបរិច្ឆេទដាក់លក់វិញ ពេលនេះ វាមិន ទាន់មាន លក់ជាផ្លូវការ នៅឡើយទេ ហើយចំពោះតម្លៃវិញ គឺខ្ទង់ប្រមាណជា $3449 សម្រាប់ម៉ូ ឌែល កប់ ជាងគេនេះ។ ដូចនេះ បើសិនជា មានប្រិយមិត្តមាន ចំណាប់អារម្មណ៍ ទាក់ទងជាមួយនឹង ម៉ូឌែលនេះ អាចកុម្ម៉ង់ទុកមុនបាន នៅតាមហាងលក់ កុំព្យូទ័រ ដែលជាតំណាងចែកចាយ របស់ក្រុមហ៊ុន MSI។

ស្វែងយល់បន្ថែម៖ https://www.msi.com/Laptop/GS75-Stealth-8SX

ដកស្រង់ចេញពីhttp://cambo-report.com/article/15170