ឯកឧត្តម ឡាន់ ឆន បើកកិច្ចប្រជុំសាមញ្ញលើកទី៩ អាណត្តិទី២ របស់ក្រុមប្រឹក្សា ខេត្តត្បូងឃ្មុំ

សេចក្ដីលម្អិត

ជំពូក៖ ព័ត៌មានខេត្ត

ត្បូងឃ្មុំ ៖ ក្រុមប្រឹក្សាខេត្តត្បូងឃ្មុំ នាព្រឹកថ្ងៃទី០៩ ខែកុម្ភះ ឆ្នាំ២០១៥ នៅសាលប្រជុំ សាលាខេត្ត បានប្រារព្ធបើក កិច្ចប្រជុំវិសាមញ្ញ របស់ក្រុមប្រឹក្សា ខេត្តត្បូងឃ្មុំ លើកទី៩ អាណត្តិទី២

ដើម្បីពិនិត្យ និងអនុម័តសេចក្ដីព្រាង កំណត់ហេតុកិច្ច ប្រជុំសាមញ្ញ លើកទី៨ និងសេចក្ដីព្រាង កំណត់ហេតុ កិច្ចប្រជុំវិសាមញ្ញលើក ទី២ របស់ក្រុមប្រឹក្សា ខេត្តត្បូងឃ្មុំ .ពិនិត្យ និងអនុម័ត លើរបាយការណ៍ រីកចម្រើនប្រចាំខែមករា របស់រដ្ឋបាល ខេត្តត្បូងឃ្មុំ .ពិនិត្យ និង អនុម័តសេចក្ដីសម្រេច ស្ដីពីគោលការណ៍ណែនាំ ផ្នែកគោលនយោបាយ សម្រាប់រៀបចំផែនការ អភិវឌ្ឍន៍ប្រាំឆ្នាំ២០១៥ -២០១៩ និងកម្មវិធីវិនិយោគ បីឆ្នាំរំកិល២០១៥ -២០១៧ ខេត្តត្បូងឃ្មុំ .ក្របខ័ណ្ឌអភិវឌ្ឍន៍ ខេត្តត្បូងឃ្មុំ .សំណើរផ្លាស់ប្ដូរ សមាសភាពសមាជិក គណកម្មាធិការ ពិគ្រោះយោបល់កិច្ចការស្រ្តី និងកុមារ របស់ក្រុមប្រឹក្សា ខេត្តត្បូងឃ្មុំ និងបញ្ហាផ្សេងៗ ផងដែរ ។

កិច្ចប្រជុំនេះប្រារព្ធឡើង ក្រោមអធិបតីភាពឯកឧត្តម ឡាន់ ឆន ប្រធានក្រុមប្រឹក្សា ខេត្តត្បូងឃ្មុំ និងឯកឧត្តម ប្រាជ្ញ ចន្ទ អភិបាល នៃគណៈអភិបាល ខេត្តត្បូងឃ្មុំ និងដោយមាន ការអញ្ជើញចូលរួមពី ឯកឧត្តម លោកជំទាវ សមាជិក សមាជិការ ក្រុមប្រឹក្សាខេត្ត ចំនួន ១៩រូប ឯកឧត្តម លោកជំទាវ អភិបាលរងខេត្ត ព្រមទាំង នាយកទីចាត់ការទាំង៥ ថ្នាក់ដឹកនាំមន្ទីរជុំវិញខេត្ត និងមន្ត្រីពាក់ព័ន្ធ ជាច្រើនរូបទៀត ។

បន្ទាប់ពីលោក ពាង ណារិទ្ធ នាយករដ្ឋបាលសាលាខេត្ត បានឡើងអានរបៀបវារៈ និងការពិនិត្យកូរ៉ុមរួចមក ឯកឧត្តម ឡាន់ ឆន បានថ្លែងអំណរគុណ ចំពោះ សមាជិក សមាជិកា នៃអង្គប្រជុំ ដែលបានចូលរួម មតិយោបល់ ដែលជំរុញធ្វើឲ្យកិច្ចប្រជុំនេះ សម្រេចបានលទ្ធផលផ្លែផ្កា ទៅតាមកម្មវិធីគ្រោងទុក ។

ឯកឧត្តម ឡាន់ ឆន ក៏បានស្នើឲ្យនាយករដ្ឋបាល ក៏ដូចជាមន្ត្រីជំនាញ កែសម្រួលទៅលើអក្ខរាវិរុទ្ធ ដែលអង្គប្រជុំ បានលើកឡើងផងដែរ។ មួយវិញទៀតក៏ស្នើដល់មន្ទីរ អង្គភាព និងស្ថាប័នពាក់ព័ន្ធ ដែលមានសមាសភាព ក្នុងសេចក្ដីសម្រេច ត្រូវសហការគ្នា ប្រមែប្រមូលទិន្នន័យ ដើម្បីយកមកអនុវត្ត នៅក្នុងរដ្ឋបាលខេត្តត្បូងឃ្មុំ ប្រកបដោយប្រសិទ្ធភាព និងកាន់តែអភិវឌ្ឍន៍ រីកចំរើនឡើង ៕