កំពង់ចាម៖ បុរសម្នាក់ បានជ្រុលដៃ វាយសម្លាប់ កូនប្រសាររបស់ខ្លួន រហូតដល់ស្លាប់ ដោយប្រើដំបងឬស្សី ខណៈដែលជនរងគ្រោះ បានចូលទៅជួយឃាត់ ជនបង្កពេលឈ្លោះ ជាមួយប្រពន្ធរបស់ខ្លួន ដែលត្រូវជាម្តាយក្មេក កាលពីវេលាម៉ោង ៦៖៣០នាទីល្ងាច ថ្ងៃទី៥ ខែកក្កដា ឆ្នាំ២០១៥ នៅចំណុចភូមិតាសែន ឃុំសូទិប ស្រុកជើងព្រៃ ។
មន្រ្តីនគរបាល មូលដ្ឋានបាន ឲ្យដឹងថា ជនបង្កមានឈ្មោះ វ៉ាត វឿន អាយុ៥៥ឆ្នាំ ដោយឡែក ជនរងគ្រោះ ជាកូនប្រសារមាន ឈ្មោះ ថៃ ស៊ាងហៃ អាយុ៣៣ឆ្នាំ ។ តាមមន្រ្តីនគរបាល មុនពេលកើតហេតុ ជនបង្កដែលមាន អាការៈស្រវឹងផងនោះ បានឈ្លោះប្រកែក ជាមួយប្រពន្ធ របស់ខ្លួនឈ្មោះ លន់ ផន អាយុ៥៧ឆ្នាំ ពេលនោះ កូនប្រសារ ក៏ចូលទៅជួយឃាត់ ស្រាប់តែត្រូវឪពុកក្មេក វាយសម្លាប់ និងដំបងពីងពង់ ចំកញ្ចឹងកពីក្រោយ រហូតស្លាប់តែម្តង។
ឮ ក្រោយកើតហេតុ ជនបង្កត្រូវ បានសមត្ថកិច្ច ចុះទៅឃាត់ខ្លួន ដោយឡែកសព ត្រូវបានប្រគល់ជូនក្រុមគ្រួសារ យកទៅធ្វើបុណ្យ តាមប្រពៃណី៕
ដកស្រង់ពី៖ ដើមអម្ពិល