ឃាត់ខ្លួន​ជនសង្ស័យ​ម្នាក់ ពាក់ព័ន្ធ​ក្លែង​ឯកសារ និង​ប្រើប្រាស់​ស្លាក​លេខ​រថយន្ត​ក្លែងក្លាយ

សេចក្ដីលម្អិត

ជំពូក៖ ព័ត៌មានសន្តិសុខសង្គម

ខេត្តព្រះសីហនុ ៖ លោកវរសេនីយ៍ឯក អ៊ួង វុទ្ធី អធិការនគរបាលស្រុកព្រៃនប់ កាលពីថ្ងៃទី១៣ ខែធ្នូ ឆ្នាំ២០២៣ បានចាត់កម្លាំងការពារ រៀបចំសណ្តាប់ធ្នាប់ និងរបៀបរៀបរយ និងឈានទៅបង្ក្រាបបានជនឆ្លៀតឳកាស ក្រុមចោរដៃស្អិត មួយក្រុម ក្នុងករណីលួចខ្សែ.ក លួចកាបូប និងលូកហោប៉ៅ ក្នុងពិធីនិមន្តមកសម្តែងធម្មទេសនា និងប្រោសព្រំសេរីមង្គលរបស់ព្រះធម្មវនវាសី ចន្ទ មុនី នៅភូមិពូធឿង ឃុំបិតត្រាំង ស្រុកព្រៃនប់ ខេត្តព្រះសីហនុ ។

ជនសង្ស័យដែលត្រូវឃាត់ខ្លួន រួមមាន ៖ ១. ឈ្មោះ ពេជ្រ លីលី ភេទស្រី អាយុ៣០ឆ្នាំ មុខរបរមិនពិតប្រាកដ មានស្រុកកំណើតភូមិព្រែកឡុង ឃុំព្រែកតា ស្រុកស្អាង ខេត្តកណ្ដាល។ ២. ឈ្មោះ លក្ខណ ភេទស្រី អាយុ១៦ឆ្នាំ មុខរបរមិនពិតប្រាកដ មានស្រុកកំណើត ខេត្តកំពង់ស្ពឺ (រត់គេចខ្លួន)។ ដោយជនសង្ស័យទាំង០២នាក់ខាងលើ បានធ្វើសកម្មភាពលួចដោះខ្សែក របស់ក្មេងប្រុសម្នាក់ឈ្មោះ មិត ពិសាល អាយុ៤ឆ្នាំ ក្នុងបន្ទុកគ្រួសារ ស្នាក់នៅភូមិ១ សង្កាត់១ ក្រុង/ខេត្តព្រះសីហនុ ។

ក្រោយពីធ្វើសកម្មភាពរួច កម្លាំងនគរបាលស្រុកព្រៃនប់ ដែលកំពុងប្រចាំការយាមនៅគោលដៅ បានធ្វើការបង្ក្រាបបានភ្លាមៗតែម្ដង ។ ៣.ឈ្មោះ កង ស្រីលក្ខណ ភេទស្រី អាយុ២៨ឆ្នាំ មុខរបរមិនពិតប្រាកដ ស្នាក់នៅឈូកវ៉ា១ ខណ្ឌព្រែកភ្នៅ រាជធានីភ្នំពេញ។ បានធ្វើសកម្មភាពលូកដៃចូលក្នុងកាបូបរបស់ជនរងគ្រោះ ដើម្បីលួចយកសម្ភារៈ ។

ពេលកំពុងធ្វើសកម្មភាព កម្លាំងនគរបាលយាមនៅគោលដៅ បានធ្វើការបង្ក្រាបបានភ្លាមៗតែម្ដង ។ វត្ថុតាងចាប់យក ៖ ខ្សែក ផ្លាកទីន ចំនួន០១ខ្សែ (មានតំលៃ២០០ដុល្លារ ជារបស់ជនរងគ្រោះ) និងទូរសព្ទដៃ ចំនួន០១គ្រឿង ម៉ាកOppo ពណ៌ខៀវ (ជារបស់ជនសង្ស័យ) ។ បច្ចុប្បន្ន ជនសង្ស័យ រួមទាំងវត្ថុតាង បានធ្វើការឃាត់ខ្លួននៅអធិការដ្ឋាននគរបាលស្រុកព្រៃនប់ ដើម្បីកសាងសុំណុំរឿងតាមនីតិវីធិច្បាប់ ៕

ដកស្រង់ពី៖កោះសន្តិភាព