ប្រទះឃើញស.ព​មនុស្ស​ម្នាក់ ត្រូវគេ​ដុ.ត​ឆេះ​ខ្លោ.ច​​ក្នុងថ្លុកប្រឡាយអត់ទឹក​មួយកន្លែង​

សេចក្ដីលម្អិត

ជំពូក៖ ព័ត៌មានសន្តិសុខសង្គម

ខេត្តបន្ទាយមានជ័យ ៖ ស.ពមនុស្សម្នាក់ត្រូវបានគេប្រទះឃើញស្លា.ប់ ដោយឆេះខ្លោចមើលលែងស្គាល់ ក្នុងថ្លុកប្រឡាយអត់ទឹកមួយកន្លែង ។

ហេតុការណ៍ប្រទះឃើញស.ពជនរងគ្រោះខាងលើនេះ បានបង្កការភ្ញាក់ផ្អើលកើតឡើងកាលពីវេលាម៉ោង៣និង២៧នាទីរសៀលថ្ងៃទី៣០ ខែមីនា ឆ្នាំ២០២៤ ស្ថិតក្នុងភូមិអណ្ដូងថ្មមាស សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ ។ នគរបាលក្រុងប៉ោយប៉ែតបានឱ្យដឹងថា បន្ទាប់ពីទទួលបានព័ត៌មានពីឈ្មោះថ្នឹង រីណា ជាអនុភូមិអណ្ដូងថ្មមាសថា មានក្មេងឃ្វាលគោបានប្រទះឃើញសាកស.ពមនុស្សម្នាក់នៅចំណុចខាងជើងគណបក្សក្រុងប៉ោយប៉ែត ស្ថិតក្នុងភូមិអណ្ដូងថ្មមាស សង្កាត់ផ្សារកណ្ដាល ក្រុងប៉ោយប៉ែត ។

កម្លាំងប៉ុស្តិ៍រដ្ឋបាលផ្សារកណ្ដាល បានចុះដល់ចំណុចកើតហេតុខាងលើ និងបានឃើញសាកសពជាមនុស្សប្រុស មានអាយុប្រហែល១៧ឆ្នាំ ដេកស្លា.ប់ក្នុងថ្លុកប្រឡាយអត់ទឹក ដេកផ្អៀងខ្លួន ក្បាលបែរទៅជើង ចំណែកដៃមានជាប់ចំណង ដោយក្រណាត់អាវចងក្រព័ទ្ធទៅក្រោយ ដោយសភាពស.ពដុ.តឆេះខ្លោចអស់ មើលលែងស្គាល់ទៅហើយ ។

នគរបាលបានបញ្ជាក់ថា ជនរងគ្រោះមិនទាន់ស្គាល់អត្តសញ្ញាណនោះឡើយទេ ចំណករការស្លា.ប់នេះគឺជាអំពើមនុស្សឃា.ត ។ បច្ចុប្បន្ន សមត្ថកិច្ចកំពុងស្រាវជ្រាវរកសាច់ញាតិជនរងគ្រោះ និងរកមុខសញ្ញាជនប្រព្រឹត្តល្មើស ដើម្បីយកមកផ្តន្ទាទោសតាមច្បាប់ ៕

ដកស្រង់ពី៖កោះសន្តិភាព