សពពលករខ្មែរ ស្លាប់ដោយ គ្រោះថ្នាក់ចរាចរ នៅថៃ ៦នាក់ បានបញ្ជូនមក ដល់កម្ពុជាហើយ

សេចក្ដីលម្អិត

ជំពូក៖ ព័ត៌មានសន្តិសុខសង្គម

ភ្នំពេញ៖ នៅម៉ោង ២២និង៥០នាទីយប់ ថ្ងៃអាទិត្យ ទី១៥ ខែមិថុនា ឆ្នាំ២០១៤ សាកសពពលករខ្មែរ ចំនួន៦នាក់ ដែលបានស្លាប់ ដោយសារ គ្រោះថ្នាក់ចរាចរ នៅខេត្តឆាក់ឈឿសៅ ត្រូវអាជ្ញាធរថៃ បញ្ជូនមកដល់ ខេត្តបន្ទាយមានជ័យហើយ ។

សាកសពពលករ ៦នាក់ដែលស្លាប់នោះ មានស្រី៥នាក់ និងប្រុសម្នាក់ ។ សូមជំរាបថា រថយន្តថៃដឹក ពលករខ្មែរ បានក្រឡាប់នៅចម្ងាយ ២០គីឡូពីទីរួមខេត្ត ឆាក់ឈឿសៅ ក្នុងស្រុក ភ្នំសារ៉ាខាម បណ្តាលឲ្យស្លាប់៦នាក់ និងរបួស ១៦នាក់ ៕