សាកសព ទាហានមួកខៀវ កម្ពុជាពីរនាក់ នៅម៉ាលី បានដឹកមកដល់កម្ពុជា នៅវេលាម៉ោង ៧ល្ងាច ម្សិលមិញនេះ

សេចក្ដីលម្អិត

ជំពូក៖ ព័ត៌មានសន្តិសុខសង្គម

ភ្នំពេញ៖ សាកសពទាហាន មួកខៀវកម្ពុជា ចំនួនពីរនាក់ ដែលបានស្លាប់ ដោយសារ តែពុលអាហារ នៅប្រទេសម៉ាលី ខណៈ បំពេញបេសកកម្ម ក្រោមឆ័ត្រ អង្គការសហប្រជាជាតិ កាលពីថ្ងៃទី៩ខែមិថុនា កន្លងទៅនោះ បានដឹកមកដល់ កម្ពុជាហើយ នៅវេលាម៉ោង ៧ល្ងាច ថ្ងៃទី២៥ ខែមិថុនា ឆ្នាំ២០១៤។

ពិធីទទួលសពនេះ ត្រូវបានធ្វើឡើង បន្ទាប់ពីសាកសព ទាំងពីរនាក់ បានមកដល់ព្រលានយន្ត ហោះអន្តរជាតិ ភ្នំពេញ ហើយមានការទទួល ដោយ ឯកឧត្តម នាយឧត្តមសេនីយ៍ សែម សុវណ្ណនី អគ្គនាយក មជ្ឈមណ្ឌលជាតិ គ្រប់គ្រង កងកម្លាំងរក្សាសន្តិភាព បោសសំអាតមីន និងកាកសំណល់ សង្គ្រាម និងមន្ត្រីយោធាជាច្រើនទៀត៕

ប្រភព៖ គេហទំព័រ ដើមអម្ពិល