ក្រុមប្រេស៊ីលដែលមាន Alisson Becker ជាអ្នកចាំទីបាន បន្តបង្អាក់ដំណើរឈ្នះពានលើកដំបូងជាមួយជម្រើសជាតិរបស់ Lionel Messi ក្រោយទម្លាក់អាហ្សង់ទីនពី Copa America កាលពីព្រឹកមិញ។
ជំនួបរវាងប្រទេសទាំងពីរដែលបញ្ចប់ក្នុងលទ្ធផល ២-០ នេះ គេផ្ដោតអារម្មណ៍ខ្លាំងទៅលើ Alisson Becker និង Lionel Messi។ កីឡាករទាំងពីរធ្លាប់ប៉ះគ្នាចាប់តាំងពី ខែមិនា ឆ្នាំ២០១៨ រហូតមកទល់ថ្ងៃនេះគឺចំនួន៥លើកមកហើយក្នុងនោះគឺ Messi ឈ្នះ ២ ហើយ Alisson ឈ្នះ៣ដង។
យ៉ាងណាការឈ្នះ២ដងរបស់ Messi គ្មានឥទ្ធិពលអ្វីទេ គឺឈ្នះត្រឹមជើងទីមួយប៉ុណ្ណោះ ខណៈការឈ្នះ៣ដងរបស់ Alisson សុទ្ធតែធ្វើឲ្យ Messi បាត់បង់ពាន។ កាល Alisson លេងនៅ Roma ក្នុង Champions Leagueជើងទីមួយ Barca របស់ Messi បានឈ្នះ ៤-១ នៅជើងទីមួយ តែបែរចាញ់ ៣-០ វិញនៅជើងទីពីរត្រូវធ្លាក់ពីកម្មវិធី។
នៅខែឧសភា Alisson ក្នុងនាមជាអ្នកចាំទី Liverpool បានទម្លាក់ Barca ដោយជើងទីមួយពួកគេចាញ់ ៣-០ តែបានយកឈ្នះ ៤-០ វិញនៅជើងទីពីរ និងបន្តឈ្នះវគ្គផ្ដាច់ព្រ័ត្រដើម្បីលើកពាន Champions League។ ចុងក្រោយបំផុតគឺព្រឹកមិញនេះ Alisson នៅតែតាមលង Messi ដោយជួយប្រេស៊ីលឈ្នះអាហ្សង់ទីន ២-០ ដើម្បីឡើងវគ្គផ្ដាច់ព្រ័ត្រ Copa៕
ដកស្រង់ពី៖ Sabay