Neymar ​៖​គោលដៅ​ខ្ញុំ​គឺ​ឈ្នះ UCL ​ជាមួយ PSG ​

សេចក្ដីលម្អិត

ជំពូក៖ ព័ត៌មានកីឡា

ខ្សែប្រយុទ្ធ Neymar បានបញ្ជាក់អនាគតរបស់ខ្លួនថានឹងបន្ដលេងជាមួយក្រុម PSG រហូតអាចជួយក្រុមនេះឈ្នះពានរង្វាន់ UEFA Champions League ។

មានដំណឹងជាច្រើនទាក់ទងនឹងអនាគតខ្សែប្រយុទ្ធសញ្ជាតិប្រេស៊ីលខាងលើនេះ ប៉ុន្តេជាចុងក្រោយរូបគេនៅតែបន្ដលេងនៅក្រុម PSG ដដែល។ មិនត្រឹមតែប៉ុណ្ណោះ អតីតកីឡាករ Barcelona ខាងលើនេះក៏បានបញ្ជាក់ទៀតថាគោលដៅរបស់គេគឺឈ្នះពានរង្វាន់ UEFA Champions League ជាមួយក្រុម PSG សិនទើបសម្រេចចិត្តគិតពីអនាគតទៀត។

Neymar បានបន្ថែមទៀតថាពេលនេះ រូបគេមិនគិតពីពានរង្វាន់ផ្ទាល់ខ្លួននោះទេ។ អ្វីដែលចង់បានបំផុតគឺជួយក្រុមឈ្នះពានរង្វាន់ធំប្រចាំទ្វីបអឺរ៉ុប។ ខណៈដែលការឡើងដល់វគ្គផ្ដាច់ព្រ័ត្ររដូវកាលមុននេះ គឺបានបង្ហាញច្បាស់ថា PSG មានសមត្ថភាពគ្រប់គ្រាន់ក្នុងការប្រជែងពានរង្វាន់ធំនេះ៕