​១៤​ឆ្នាំ ​Hongchan ​ឈ្នះ​មេដាយ​មាស​អូឡាំពិក​ឱ្យ​ចិន​បាន​ទៅ​ហើយ​

សេចក្ដីលម្អិត

ជំពូក៖ ព័ត៌មានកីឡា

Quan Hongchan វ័យត្រឹម១៤ឆ្នាំ បានឈ្នះមេដាយមាសអូឡាំពិកវិញ្ញាសាលោតទឹក ១០ម៉ែត្រឱ្យប្រទេសចិន និងក្លាយជាកីឡាការិនីវ័យក្មេងទី២ក្នុងប្រវត្តិសាស្ត្រដែលឈ្នះមេដាយអូឡាំពិកបាន។

នេះជាការបង្ហាញខ្លួនលើកដំបូងសម្រាប់ Quan ហើយក៏ទទួលបានជោគជ័យយ៉ាងខ្លាំងផងដែរ ដោយអាចយកមេដាយមាសអូឡាំពិកឱ្យប្រទេសកំណើតខ្លួនបាន។ ចៅក្រមដាក់ពិន្ទុលើការប្រកួត សុទ្ធតែដាក់ពេញៗឱ្យទៅកីឡាការិនីវ័យ១៤ឆ្នាំនេះទាំងអស់ ក្រោយពីរូបគេបានបង្ហាញសមត្ថភាពយ៉ាងល្អក្នុងការប្រកួតនៅថ្ងៃនេះ។

មិត្តរួមសញ្ជាតិ Chen Yuxi វ័យ១៥ឆ្នាំជាអ្នកឈ្នះមេដាយប្រាក់ និងកីឡាការិនីអូស្ត្រាលី Melissa Wu វ័យ២៩ឆ្នាំជាអ្នកឈ្នះមេដាយសំរឹទ្ធ។ ប្រទេសចិន នៅព្រឹត្តិការណ៍អូឡាំពិកនេះ បានប្រមូលមេដាយច្រើនមែនទែន ដោយពួកគេឈ្នះមាសបាន៣៣គ្រឿង ប្រាក់ ២៤គ្រឿង និងសំរឹទ្ធបាន១៦គ្រឿង សរុប៧៣គ្រឿងហើយ៕