Conte ​ប្រាប់​ហើយ​ប្រាប់​ទៀត Spurs ​ត្រូវ​ការ​ប្រយុទ្ធ​២​នាក់​ទៀត​

សេចក្ដីលម្អិត

ជំពូក៖ ព័ត៌មានកីឡា

 លោក Antonio Conte បានប្រាប់ទៅម្ចាស់ក្លឹប Daniel Levy ថាក្រុម Spurs ត្រូវការខ្សែប្រយុទ្ធ២នាក់ទៀតសម្រាប់ខែមករាឆ្នាំ២០២២នេះ ដើម្បីអាចប្រជែងជាមួយក្រុមដទៃទៀតបាន។

ត្បិតតែដឹកនាំក្រុមបានល្អកន្លងមកមែន ប៉ុន្តែលោក Conte មើលឃើញថាក្រុម Spurs របស់ខ្លួននៅពេលនេះមានការខ្វះខាតច្រើនជាពិសេសតំបន់ប្រយុទ្ធតែម្ដង។ លោកបានប្រាប់ទៅថ្នាក់ដឹកនាំថានៅខែមករានេះ ក្លឹបត្រូវការចំណាយបន្ថែមដើម្បីទិញកីឡាករថ្មីចូល យ៉ាងតិច២នាក់នៅតំបន់ប្រយុទ្ធ។

ដោយម្នាក់ក្នុងចំណោមនោះ គឺកីឡាករ Adama Traore របស់ក្រុម Wolves ។ ក្នុងនោះដែរ នៅខែមករានេះ ក្រុម Spurs នឹងបានដាក់លក់កីឡាករ៣នាក់ចេញវិញដែរ ដោយក្នុងនោះមាន Matt Doherty, Dele Alli និង Tanguy Ndombele។

ប្រសិនបើក្លឹបណាចាប់អារម្មណ៍អាចទាក់ទងចរចាបាន ព្រោះកីឡាករ៣នាក់នេះមិនស្ថិតក្នុងគម្រោងប្រើប្រាស់របស់អ្នកចាត់ការអ៊ីតាលីឡើយ៕