Ronaldo ច្រាន​ចោល​ព័ត៌មាន​ដែល​ថា​ គេ​នឹង​ចូល​និវត្តន៍​ពី​ជម្រើស​ជាតិ​ព័រទុយហ្គាល់​ បើ​​មិន​បាន​ទៅ​ប្រកួត​ World Cup 2022

សេចក្ដីលម្អិត

ជំពូក៖ ព័ត៌មានកីឡា

ខ្សែប្រយុទ្ធ Cristiano Ronaldo បានធ្វើការច្រានចោលនូវព័ត៌មានដែលចុះផ្សាយថា គេនឹងចូលនិវត្តន៍ពីកីឡាករជម្រើសជាតិ បើព័រទុយហ្គាល់មានកៅអីឡើងទៅប្រកួត World Cup 2022 នៅឯប្រទេសកាតា។

Ronaldo បាននិយាយថា៖" អ្នកដែលអាចសម្រេចថាអនាគតរបស់ខ្ញុំនឹងទៅជាយ៉ាងណាគឺមានតែខ្ញុំម្នាក់គត់ មិនមែនអ្នកផ្សេងមកសម្រេចបាននោះទេ។ បើខ្ញុំនៅចង់លេងបន្តទៀត ខ្ញុំនឹងបន្តលេងទៀត។

បើខ្ញុំមិនមានអារម្មណ៍លេងបន្តទៀតទេ ខ្ញុំនឹងមិនលេងទៀតទេ។ ខ្ញុំជាមេសម្រេចលើខ្លួនឯងក្នុងពេលនេះ "។ក្រុមព័រទុយហ្គាល់ នឹងត្រូវប៉ះជាមួយក្រុមម៉ាសេដូន ក្នុងប្រកួតជម្រុះ World Cup វគ្គ Play-off យប់នេះដើម្បីយកកៅអីទៅលេង World Cup 2022 ដោយ Ronaldo មានជំនឿចិត្តខ្លាំងថាក្រុមខ្លួននឹងធ្វើបាននៅយប់នេះ៕