វណ្ណថង​ និង​ វ៉ាន់​ វឿន​ ៖ កម្មវិធី​នៅ​សៀមរាប​គឺ​វ៉ៃ​លក្ខណៈ​សេរី​គុន​ខ្មែរ​នោះ​ទេ​

សេចក្ដីលម្អិត

ជំពូក៖ ព័ត៌មានកីឡា

ឈិត សេរីវណ្ណថង បានបញ្ជាក់ថាកម្មវិធីប្រកួតដ៏ធំនៅខេត្តសៀមរាប គឺរូបគេ និង វ៉ាន់ វឿន វ៉ៃលក្ខណៈសេរីគុនខ្មែរនោះទេ មិនមែនបែប Kick Boxing នោះឡើយ។

លើកឡើងក្នុងកិច្ចសម្ភាសមួយ វណ្ណថង ថាក្នុងតារាងកម្មវិធីនោះគឺគេដាក់ Kick Boxing ទាំងអស់ ប៉ុន្តែចំពោះរូបគេ និងវ៉ាន់ វឿន គឺវ៉ៃបែបសេរីនោះទេ។ ការប្រកួតបែបសេរីនេះដែរគឺល្អ និងងាយស្រួលបន្តិចផងដែរសម្រាប់ វណ្ណថង និងអាចមានប្រើបានគ្រប់ក្បាច់តែម្ដង។

កីឡាករមកពីខេត្តបាត់ដំបងខាងលើនេះ ថាពិតជាសប្បាយចិត្តនៅពេលដែលថ្នាក់ដឹកនាំទុកចិត្ត និងជ្រើសរើសឲ្យឡើងប្រកួតកម្មវិធីនៅស្ដេចប្រដាល់អង្គរ។ ជាមោទកភាពដែលខ្លួនបានផ្សព្វផ្សាយពីក្បាច់គុនខ្មែរទៅឆាកអន្តរជាតិ។

រំលឹកដែរថា កម្មវិធីស្ដេចប្រដាល់អង្គរ ដែលមាន១០គូសុទ្ធតែជើងខ្លាំងលំដាប់ប្រទេសកម្ពុជានឹងធ្វើឡើងនៅថ្ងៃទី១០ ខែមេសា ២០២២ នៅមុខអង្គរ៕