Ramos៖ Messi ជា​កីឡាករ​បាល់ទាត់​ល្អ​ជាង​គេ​លើ​លោក

សេចក្ដីលម្អិត

ជំពូក៖ ព័ត៌មានកីឡា

ខ្សែការពារអេស្ប៉ាញកីឡាករ Sergio Ramos បាននិយាយកាលពីពេលថ្មីៗនេះថា ខ្សែប្រយុទ្ធអាហ្សង់ទីន Lionel Messi ជាកីឡាករបាល់ទាត់ល្អជាងគេលើលោក។

និយាយប្រាប់ទូរទស្សន៍ក្លឹប PSG កីឡាកររូបនេះបាននិយាយថា៖ «ខ្ញុំវេទនានឹងលេងទល់នឹង Messi អស់រយៈពេលជាច្រើនឆ្នាំហើយ»។

កីឡាកររូបនេះបានបន្តថា៖ «នៅពេលនេះខ្ញុំរីករាយនឹងលេងជាមួយគាត់។ គេជាកីឡាករល្អជាងគេ ដែលកីឡាបាល់ទាត់បានបង្កើតមក»។ Ramos បានលេងនៅ Real Madrid ជាង ១៦ឆ្នាំ មុននឹងមកលេងនៅក្លឹបយក្សបារាំង Paris Saint-Germain នៅឆ្នាំ២០២១៕