Pogba៖ ខ្ញុំ​គួរ​តែ​ឈប់​លេង​បាល់​ បើ​មិន​ជឿ​ថា​ Man Utd តាម​ទាន់​ Man City

សេចក្ដីលម្អិត

ជំពូក៖ ព័ត៌មានកីឡា

Paul Pogba បានវិលទៅកាន់វាលស្មៅវិញក្រោយបាត់មុខប្រមាណ២ខែដោយសាររងរបួសសរសៃពួរក្នុងការប្រកួត Champions League ទល់នឹង Basel។អំឡុងពេលអវត្តមានខ្សែបម្រើការពារសញ្ជាតិបារាំង Manchester United បានធ្លាក់ចេញពីកំពូលតារាងមកនៅលេខ២ ប៉ុន្តែចាញ់ពិន្ទុ Manchester City រហូតដល់៨ពិន្ទុគិតត្រឹមសប្ដាហ៍ទី១២នេះ។

យ៉ាងណាកាលពីថ្ងៃសៅរ៍ Pogba បានលេចមុខលើទីលានសារជាថ្មី ថែមទាំងស៊ុតចូល១គ្រាប់ក្នុងការប្រកួតដែល United យកឈ្នះ Newcastle ក្នុងលទ្ធផល ៤-១។ ទោះជាដាច់ពិន្ទុគ្នាឆ្ងាយពីក្រុមលេខ១ តែ Pogba នៅតែជឿជាក់ថានឹងតាមទាន់ Man City។

"រដូវកាលនៅវែងឆ្ងាយទៀត ពិតណាស់បើខ្ញុំមិនសង្ឃឹមថាអាចតាមទាន់ពួកគេ ចឹងខ្ញុំគួរតែឈប់លេងបាល់។ បើខ្ញុំគ្មានជំនឿថាយើងអាចឈ្នះលីគ ខ្ញុំគួរតែចោលស្បែកជើង ហើយឈប់ប្រកួតអ្វីទាំងអស់ ព្រោះតែភាពជឿជាក់ទើបពួកយើងប្រឹងប្រែងប្រកួត"។ កីឡាករវ័យ២៥ឆ្នាំនិយាយដូច្នេះ៕

ដកស្រង់ពី៖ Sabay