សហព័ន្ធបាល់ទាត់វៀតណាមគ្រោងអញ្ជើញក្លឹបធំអឺរ៉ុបហង្សក្រហម Liverpool ឲ្យទៅប្រកួតមិត្តភាពជាមួយក្រុមជម្រើសជាតិរបស់ពួកគេនៅទីក្រុងហាណូយអំឡុងរដូវក្ដៅនេះ។
ក្រុមកំពូលតារាងលីគកំពូលអង់គ្លេសគ្រោងទៅប្រកួតកម្ដៅសាច់ដុំនៅអាស៊ីអំឡុងចប់រដូវកាលហើយវៀតណាមអាចជាគោលដៅមួយរបស់ក្លឹប។ នេះបើតាមការបញ្ជាក់ពីអគ្គលេខាធិការសហព័ន្ធ។ ការប្រកួតគ្រោងធ្វើនៅកីឡដ្ឋាន My Dinh នារដ្ឋធានីហាណូយ បន្ទាប់ពី Liverpool ទៅលេងនៅចិន និងថៃ។
ប្រទេសក្បែរខាងកម្ពុជាមួយនេះធ្លាប់បើកទ្វារទទួលភ្ញៀវជាក្រុមយក្សអឺរ៉ុបមួយចំនួនកាលពីអតីតកាលមានដូចជា Arsenal ក្នុងឆ្នាំ២០១៣ និង Manchester City ក្នុងឆ្នាំ២០១៧ ហើយពួកគេរំពឹងថានឹងឃើញវត្តមានកីឡាករកំពូលពិភពលោករបស់ Liverpool ដូចជា Salah, Virgil Van Dijk និង Xherdan Shaqiri លើទឹកដីវៀតណាម៕
ដកស្រង់ពី៖ Sabay