ភ្ញៀវ​ទេសចរ​ជាតិ​និង​អន្តរជាតិ​ជា​ច្រើន​មក​ ​ទស្សនា​ថ្ងៃ​រះ​នៅ​ប្រាសាទ​អង្គរវត្ត​

សេចក្ដីលម្អិត

ជំពូក៖ ព័ត៌មានទេសចរណ៍

រាជធានីភ្នំពេញ ៖ ភ្ញៀវទេសចរជាតិ និងអន្តរជាតិជាច្រើបានអញ្ជើញទៅទស្សនាថ្ងៃរះនៅប្រាសាទអង្គរ និងតំបន់ជាច្រើនទៀតនៅតំបន់រមណីយដ្ឋានឧទ្យានអង្គរ នៅព្រឹកថ្ងៃទី៤ ខែកក្កដា ឆ្នាំ២០២៤ ។

នេះបើតាមក្រសួងទេសចរណ៍ ។ សូមជម្រាបជូនផងដែរថាក្នុង១ថ្ងៃៗ ភ្ញៀវទិញប័ណ្ណចូលទស្សនារមណីយដ្ឋានអង្គរប្រមាណ១,៣០០នាក់ ទៅ១,៧០០ នាក់ ។ សម្រាប់ជើងហោះហើរចូលមកកាន់ខេត្តសៀមរាប មានចន្លោះពី ១៤-១៩ ជើងហោះហើរក្នុងមួយថ្ងៃ ក្នុងនោះមានមកពីបាងកក (៥-៦ ជេីងក្នុងមួយថ្ងៃ) ហូជីមីញ (៣ ជេីងក្នុងមួយថ្ងៃ) ដាណាង(1 ជេីងក្នុងមួយថ្ងៃ) ហាណូយ (២ ជេីងក្នុងមួយថ្ងៃ) កូឡាឡាំពួរ (១ ជេីងក្នុងមួយថ្ងៃ) សិង្ហបុរី (១ជេីងក្នុងមួយថ្ងៃ) ភ្នំពេញ (២ជេីងក្នុងមួយថ្ងៃ) និងក្រុងព្រះសីហនុ (១ជេីងក្នុងមួយថ្ងៃ) ។

គួរបញ្ជាក់ផងដែរថា កាលពីពេលថ្មីៗនេះ ប្រាសាទអង្គរវត្ត បានស្ថិតនៅលំដាប់លេខ២ ក្លាយជាគោលដៅទេសចរណ៍ទាក់ទាញល្អបំផុតនៅតំបន់អាស៊ី៕

ដកស្រង់ពី៖កោះសន្តិភាព